Popular Bible Verses from RAWMA 14

Share

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ. Cha hawhta Krista chakaotuhpazy cha, Khazohpa ta a pyh ta, chyhsa reithaina chhao ama hlao tyh.

Eima hroh khiahta cha, Abeipa châta hroh pi ta, eima thipa chhao ta, Abeipa châta a thipa eima châ. Chavâta eima hrohpa chhao ta, eima thipa chhao ta, Abeipa eih eima châ.

Chavâta thlalôhna a tlôkhei awpa nata tha a patlô raihriena a châ awpa hmozy a chadai lymâ suh u.

Chavâta a sei raihrie khao leipa ta, unawhpa lâpi liata achapiana lô tlyma, pakhâna tlyma, sokhâh lei awpa a chhuah ei suh u.

“Ei hrona reipa ta ei reih, Abeipa ta a tah; Pakhu to ei hmiakô liata paneih aw ei ta, Paleih to ta Khazohpa ama reithai aw,” tahpa ropa hawhta. Eima zydua ta Khazohpa hmiakô liata keimo thâtih eima reih chyu aw.

Ngiapâna liata chiehleipa chyhsa cha a pyh thai u la, â lôhleina kyh liata sei khuh vy.

Mohropa chakaotuhpa seituhpa cha ahy ma na châ? Â duah tlyma, a pao tlyma, ano zibeipa hmiakô liata a taopa a châ. Abeipa cha ano a paduasa theipa a châpa vâta, â duah thlâh ha aw.