Popular Bible Verses from Rom 2

Share

Se nmo na ye nabiinu to, nmo yaale n dwoŋi de o kikia yam konto, ye nmo tete yeini n ke-ya. Konto to, nmo bá wane n lu Wɛ waarem dem wone. Wɛ nam tiini o jege nɔɔna ŋwaŋa mo, de wo-zuru, de ban-peno. Nmo nam pae se wonnu tento ye kafɛ mo na? Ta‑n yei we, Wɛ na jege nmo ŋwaŋa tei to lage ka pa n na chwoŋa se n leiri n wo mo.

A nɔɔna bam, á boŋe we á jege chwoŋa se á yaale á dwonna mo na? Nmo nam ná yaale n dwoŋi, ko ye nmo tete yuu mo n chɔge, kolo ŋwaane nmo tete de ke wo-yɔɔro tem konto dwoŋi. Konto to, n bá‑n wane n jwoŋi chwoŋa Wɛ tei ne.

Kokuri, Wɛ tɔge chega de o na ke nɔɔna maama tei to, ye o ba kuri-ba daane.

Kokuri, nɔɔna bá na chega de Wɛ ba na nigi o nia yam to ŋwaane. Ba nam ná seene ba tɔge Wɛ nia yam na bere tei to, ba laam wó na chega o tei ne.

Wɛ wó pa se nɔɔno maama na o nyem se ko maŋe de o kikia yam na ye tei to.

Nɔɔna badaara nam wora ba na lage ba tete yerane wonnu. Ba maa yeini ba ve Wɛ chega kam ye ba daare ba tɔge tusim kikia. Wɛ waarem dem de o ban-zɔŋɔ kom wó ba banto baŋa.

Nmo nam jege yi-dɛɛre ye n ve Wɛ zaane dem. Konto wó pa se, Wɛ borem dɛ dem ná yia, n waarem dem wó tiini de puli nmo baŋa ne. Dɛ dem konto ne Wɛ bane wó zaŋe de nɔɔna, ye ba lɔre o borem dem na jege chega tei to.