Popular Bible Verses from Gurim 3

Share

Nii-na! Amo zege manchwo-peena ne mo a dɔne dɛ sem. Wolo nam ná nigi amo kwora kam ye o ba o pore chwoŋa o zaane-ne, amo wó zo konto tu tei, ye a pa dé jeini daane dé di wodiu.

Amo maŋe a yei abam na ke tei to. A yei we abam ba chuli Wɛ, ye á nam ba swoi‑o de á wo maama de. Amo boŋe we, á ya ná tɔge chwoŋa dedoa, ko wó taa lana ko gare á ná tɔge se maama. Abam nam na ba jege boboŋe dedwe to, a lage a ve abam, nenɛɛne nɔɔno na twe wodi-baywoŋo o ni ne o yage tei to mo.

Ko ná ye balo amo na swoi to, a yeini a kaane-ba mo ye a daare a korese-ba. Nam seene-na á yia Wɛ chwoŋa tɔgem seeni se á leiri á wo de á tusim kikia yam.

Amo maŋe a yei abam na ke tei to. Nii-na! Amo pore chwoŋa a pa abam ye nɔɔn-nɔɔno bá wane-ka o che. Amo yei we abam dam ba tiini de daga, ye á ta kwaane á ke amo berem dem á bochare ne. Á ta maa wo seigi amo yere dem.

Wolo maama na wane wo-balwaaro dam to, amo wó pa konto tu chwoŋa se o tɔge o jeini amo paare jeiŋa kam jei ne, nenɛɛne amo de na tɔge a jeini a Kwo Wɛ paare jeiŋa kam jei ne tei, amo na wane wo-balwaaro dam to ŋwaane.

Abam yeini á tɛ we, á ye naduna mo ye kolokolo wo muri abam. Á nam wo lɔre we yini-gwia mo jege abam. Á nye de lwoona mo, ye á yia ba nae. Á ta ye kalambwolo mo de.

Abam na tɔge amo ni dem ye á vɔ á wo cham wone to ŋwaane, lɛɛro maŋa kam ná yia, amo wó che abam de yaara yalo na wó ba ya maŋe nabiina maama logo baŋa ne to.

Amo bá dáane ye a ba. Abam nam fɔge á ta‑á jege á na maŋe á tɔge tei to, se nɔɔn-nɔɔno yé wane o che abam pɛɛre delo á na lage á jwoŋi Wɛ tei ne to.

Zaŋe-na á che á tete se á ta‑á tɔge kikia yalo na maŋe to, se kolo fenfee á ta na ke to yé chɔge ko ti. Kokuri, amo na nɛ tei to, abam kikia yam ta wo yi amo Kwo Wɛ boboŋa.