Popular Bible Verses from 2 Pwa 2

Share

Ba na bɛ buga kam konto to, mo Elija tage de Elisa o we, “Ta n bere-ne nmo na laga se a ke woŋo kolo a pa‑m to, se BAŋA Wɛ laam ba o ja-ne o viiri.” Elisa ma leiri o we, “Amo tu, a lage se a jwoŋi n dam delo n na jege n toŋe to kuni belei mo.”

Elija de Elisa na tɔge daane ba via ye ba lara konto to, mo torokooro na jege min-vogo to de te sisein-nɔɔna de na jege mini to pɔpɔ te zaŋe ba baŋa ne kulululu te pwɛ-ba daane. Elija ma da de vo-kekara o kɛ Wɛ telaao.

Elija ma leiri‑o o we, “Nmo na lwoori woŋo kolo to tiini ko dana ko gaale. Nmo nam ná nɛ-ne maŋa kalo BAŋA Wɛ na wó kwei-ne o ja o viiri to, n jeŋa wó zo n na beeri kolo to. Ko nam ná dae konto, n bá na-ko.”

O ma kwei Elija gɔrɔ kom o mage na bam baŋa ye o we, “BAŋA Wɛ wom na ye Elija Wɛ to nam bɛ?” O na mage na bam konto to, ba ma pɔɔre belei ba daare te-kora. O laam ma tɔge da o bɛ Jɔdan buga kam.

Elisa na nɛ konto to, mo o laare o we, “Amo kwo! Amo kwo! Isarele jar-keira torokooro tem de te sisein-dira bam laam wó ke tɛ mo?” O daa maa wo nɛ Elija yera. Elija na kɛ konto to, Elisa wo ma chɔge ye o ja o tete gɔrɔ o kaare belei.

Elija ma le o gɔrɔ o kukuli-ko o ma o mage Jɔdan buga na bam. Na bam ma pɔɔre ba peini jazem de jagwia pa se ba balei bam tɔge te-kora baŋa ne ba bɛ.

Maŋa kam déem yi se BAŋA Wɛ tɔge vo-kekara baŋa o kwei Elija o ja o vo telaao. Elija de Elisa déem ma zege Giligal ne ba maa kɛa.