Popular Bible Verses from 1 Korinti 6

Share

Á yeiri we á yera yam nye de Wɛ tete diga kam ye o Sin-laao kom mo zoore ka wone na? Wɛ seene o ke o Jworo kom á bochara ne mo. Konto ŋwaane, á daa ba tei á tete. Á ye Wɛ nyem mo. O yeigi abam de o kwora mo. Konto ŋwaane, kwei-na á yera yam á ma á toŋe se ko pa Wɛ na yere.

Á yeiri we balo na ba tɔge chwo-laao to bá na jeiŋa jei Wɛ paare dem ne na? Yé zaŋe-na á gane á tete. Balo na ye ka-lagena, naa jwo-kaana, naa ka-ziina, naa baywallo, naa balo na peini de-ba to, naa ŋweena, naa nɔn-kwollu, naa sa-nyɔra, naa nɔn-tweena, naa venverena to bá na jeiŋa jei Wɛ woro kom ne.

Nam yage-na kabwoŋa kikia maama. Keim-balwaaro telo maama nɔɔno na wó ke to, o bá ke o yage o yera wone. Nɔɔno nam ná ke kabwoŋa, konto ye keim-balɔrɔ kolo o na ke o yage o yera wone to mo.

Abam badaara we, kolokolo daa tera ko na chula á tei ne. Amo nam tɛ we, ko dae woŋo maama mo jege nyɔɔre ko pa abam. Amo ná tage a we, kolokolo daa tera ko na chula amo tei ne, amo nam bá sɛ se a pa kolokolo taa jege dam se ko wane ko fe amo.

Wɛ mɛ o dam mo o bi dé Teiru Yezu toone wone. Maŋa nam wó ba ye o bi debam de toone wone.