Popular Bible Verses from Reemer 14

Share

Wayl te Hërkots Raych keet net ums ese un trinke, awer richtich se leewe, in friite un mit frayt woo te Hayliche Kayst kept. Un weyer Kristus soo tiint tuut Hërkot kefale un kept fon al aproweyert.

Wën meyer leewe, is fer te Hër woo meyer leewe; un, wën meyer xtërwe, is aach fer te Hër woo meyer xtërwe. Soo, wën meyer leewe ore wën meyer xtërwe, keheere meyer em Hër.

Tesweche, mise meyer imer suuche tings woo friite pringt un woo uns helfe ëne te anere im klaawe xtërkere.

Tesweche, wole meyer uf heere ëne te anere se kritiseere. Im keeche teel, tas yeete ëne niks mache sol woo sayne pruuter xtolpere mache khan ore in sinte fale.

Is tas was ti Hayliche Xrifte saan: “Ich xwoore iwer mayn leewe, saat te Hër, tas al sich foer mich kniye un al fersichere tas ich Hërkot sin.” Soo, yeete ëne fon uns tuut sayn aychne aprechnung mache foer Hërkot.

Tuut aan nëme weyer xwach is im klaawe oone tëm persoon sayn meenunge kritiseere.

Weyer pist tuu fer yemant sayne tiiner julkeere? Op tee kewine tuut ore ferleere tuut, keet ploos tëm sayne hër aan. Un tee tuut kewine wayl te Hër khan em kewine mache.