Popular Bible Verses from Apokalipse 8

Share

Wii te Xoof te sipte selo keproch hot, hot te himel sich ruich kehal iwer unkefeyer en halep xtun.

Te eyerxte ëngel hot sayn trompet keploost, un en reen fon xteen un fayer is uf ti eyert kexmis kep, fermixt mit pluut. Un tas trite teel fon te eyert, fon te peem un ale kriin kraut is fernicht kep torich em fayer.

Tëm noo hon ich kekukt un hon en aatler kesiin, woo kans hooch am himel am fliye waar. Un ich hon te aatler keheyert saan mit en xtarke xtim: — Ay fon aych! Ay fon aych! Ay fon aych woo uf te eyert am woone sayt wan te klank fon te trompete woo ti anere tray ëngle xpiile sich heere macht!

Tëm noo hot te tswete ëngel sayn trompet keploost, un en tings eenlich mit en kroose përich, woo fayer am fange waar, is ins meer kexmis kep. Tas trite teel fom meer hot sich in pluut transformeyert

Tan hot te trite ëngel sayn trompet keploost, un en kroos xtërn, am prëne wii en fakel, is fom himel kefal uf tas trite teel fon te fluse un uf ti waser kwele. Te naame fon tee xtërn is Piterlichkheet. Tas trite teel fom waser is piter kep, un tesweche sin fiil layt kextorep wayl se fon tëm waser ketrunk hon.

Tan hot te fierte ëngel sayn trompet keploost, un en tritel fon te sun, fom moont un fon te xtërneis wee kemach kep, soo tas se en tritel fon sayne klans ferloer hon. Waar khee licht iwer en tritel fom taach un aach fon te nacht.