Popular Bible Verses from Apokalipse 20

Share

Weyer sayne naame net im Leewe Puch kexrip hat is in ti fayer lakoo kexmis kep.

Hon aach ti toote kesiin, soo ti importante wii ti keringe, woo kextan hon foer em troon. Picher sin uf kemach kep, un aach en aner puch is uf kemach kep, tas Puch fom Leewe. Ti toote sin julkeyert kep tëm noo mit was yeete ëne fërtich keprung hat, soo wii in te picher kexrip waar.

Too hot tas meer ti toote ap kep woo too kewees waare. Te toot un ti welt fon te toote hon aach ap kep tii woo tort waare. Un al sin julkeyert kep tëm noo mit was yeete ëne ketuun hat. Tan sin te toot un ti welt fon te toote in ti fayer lakoo kexmis kep. Ti fayer lakoo is te tswete toot.

Tan hon ich en kroose wayse troon kesiin un tee woo truf kesitst hot. Ti eyert un te himel sin auskeris fon sayn presëns un sin net mee se siin kriit.

Wan ti tausent yoore ans ën khome, kept Satanaas loos kelos fon sayn kefëngnis un keet raus fer ti foleke fon ale natsioone fon te welt hinerkeen, tas mënt, Kook un Makook. Satanaas tuut se samle fer ti patalye, un ti wëre soo fiil sin wii ti sant khërner am rant fom meer.