Popular Bible Verses from Apokalipse 13

Share

Tas ferlangt wisheet. Weyer kluuch is khan auskluuche was te numer fom monster petayte tuut, wayl te numer represeenteyert te naame fon en mënx. Tëm sayne numer is seks hunert seks un sechtsich.

All tii woo uf te eyert leewe tuun em atoreere, noore net tii woo, xon foer te kriatsioon fon te welt, sayne naame inkexrip hon im Puch fom Leewe, woo tsum Xoof keheyert, tee woo toot kemach kep waar.

Eyer hot ale layt ketswung, importante un keweenliche, rayche un aarme, sklaawe un fraye, en sinal an ti rechts hant ore an ti xtërn mache. Nimant tëreft etwas khaafe ore ferkhaafe wën er net tee sinal het, was mënt, te naame fom monster ore te numer fon tëm sayne naame.

Weyer inkexpërt kewe mus, tee kept inkexpërt; weyer toot kemach kewe mus torich ti xwaart wërt toot kemach torich ti xwaart. Tas fortert tas es Kotes folek ti layte aus hale mus mit ketult un tas se leal playwe.

Tëm noo hon ich en monster kesiin woo fom meer raus khom is. Tee hat tseen hërner un siwe khep, een kroon uf yeete een fon te hërner, un naame woo plasfeeme waare uf te khep.

Is erlaupnis kep tas tee keeche Hërkots folek khëmfe teet un kewine teet. Un hot aach autoriteet kriit iwer ale xtame, natsioone, xprooche un rase.

Un hot ale foleke fon te eyert hinerkang, torich tas tings woo er erlaupnis kriit hot fer se mache foer em eyerxte monster. Te tswete monster hot kesaat fer ale foleke fon te welt tas se en imaaj mache solte fer te anere monster se eere, tee woo wee kemach kep waar torich en xwaart un net kaput kang waar. Te tswete monster hot ti macht kriit fer tas leewe in ploose in ti imaaj fom eyerxte, tas tii xpreche khënt un umpringe al tii woo sii net atoreere teere.

Te monster woo ich kesiin hon, hot aus kesiin wii en leopart; sayn fiis waare wii pear thatxe, un sayn maul waar wii en leewe rache. Un te trakon hot sayn macht, sayne troon un en kroos autoriteet fer te monster kep.

Te monster hot erlaupnis kriit fer sich se praale fon sayn autoriteet un plasfeeme aus xpreche keeche Hërkot. Un hot autoriteet kriit fer tas se mache iwer tswaay un fërtsich moonate.

Hot aus kesiin tas eene fon te khep fom monster en tootlich wee kriit kehat hat, awer tas wee waar keheelt kewees. Ti kans welt hot sich ferwunert un is tëm monster noo kang.

Tan hon ich en anere monster kesiin, woo fon te eyert ruf am khome waar. Tee hat tswaay hërner, eenlich mit tëne fom xoof, awer hot kexproch wii en trakon. Hot ti kans autoriteet fom eyerxte monster penutst, in sayn presëns. Hot ti eyert un al tii woo too woone ketswung te eyerxte monster atoreere, tee woo sayn tootes wee keheelt kriit hat.