Popular Bible Verses from Efësius 6

Share

Wayl meyer sin net am khëmfe keeche mënxe, awer keeche ti xlechte kaystliche krafte woo in te hee leewe, was mënt, ti rechiirunge, ti autoriteete un ti machte woo ti welt fon te tunkelheet komplët tomineere.

Macht tas ales fer Hërkot am peete un tëm sayne hilef am ferlange. Peet imer, kefiert fom Hërkot sayne Kayst. Playpt am wache. Tuut net ti muut ferleere un peet imer fer tas kanse Hërkots folek.

Tuut aych klayte mit tëm kanse panser woo Hërkot aych kept, fer xtram playwe keeche em Taywel sayn fale.

Tesweche, hoolt yets te panser woo Hërkot aych kept. Soo, wën te taach khomt woo teyer ti kraft fom xlechtes pekeechne tuut, khënt teyer te faynte sayn iwerfalung aus hale un, wën teyer pis ans ën kekhëmft het, playpt teyer xtram, oone tsurik tsiye.

Un nëmt te klaawe mit als xilt, fer aych xitse fon ale fayer fayle fom Taywel. Halt ti retung als helm un Hërkots wort als xwaart woo te Hayliche Kayst aych kept.

Also, playpt prepareyert. Penutst ti woerheet als kërtel. Klayt aych mit te prust plat fon te kerechtichkheet. Un, als xuu, tuut aych fërtich mache fer ti kuut naychkheet fom friite aan saan.

Tsum xlus: teyer solt imer xtërker kewe, eenich am leewe mit em Hër un ti kraft am kriin fon tëm sayn kroos macht.

Wii ti Hayliche Xrifte saan: “Rexpekteyer tayne para un tayn mama.” Un tee is te eyerxte kepoote woo en ferxprechung mit pringt, woo is: “Mach soo tas ales kuut ap laafe tuut fer tich, un tuu lang leewe tuust uf te eyert.”

Khiner, ayre kristliche flichte is ayre fater un moter aan heere, wayl tas richtich is.