Popular Bible Verses from Kolosenser 1

Share

Eyer hot uns pefrayt fon te macht fon te tunkelheet un hot uns in sicherheet keprung pis an te Raych fon sayne peliipte Soon.

Wayl, torich iim, hot Hërkot ales ketsoo, im himel un uf te eyert, soo tas was mer siit soo wii tas woo mer net siit, sokaar ti kaystliche machte, ti kraft, ti rechiirunge un ti autoriteete. Torich iim un fer iim hot Hërkot te kanse Uniwërs ketsoo.

Foer ales, hot tee xon eksisteyert, un, wayl se mit iim fereenicht sin, playpt aler tings in ortnung un harmonii.

Eyer, te eyerxte Soon, is ti rewelatsioon woo mer siin khan fom Hërkot woo mer net siin khan; eyer is te iwerxte fon ales was ketsoo kep is.

Tesweche, tsayt am taach woo meyer tas ales se wise kriit hon, hon meyer nii uf keheyert se peete fer aych. Meyer hon fer Hërkot ferlangt tas eyer aych file sol mit em khëntnis fon tëm sayne wile un mit ale wisheet un ferxtantnis woo em Hërkot sayne Kayst kept. Soo, khënt teyer leewe wii te Hër wil hon un imer mache was tëm kefale tuut. Teyer macht ale aarte kuute aktsioone un aach tuut Hërkot imer mee khëne lërne.