Popular Bible Verses from 2Tesalooniker 2

Share

Lost nimant aych hinerkeen mit niks fon soo en tings. Wayl, foer tëm taach, mus ti Rewolte keeche Hërkot paseere, un te Xlechte Man, woo konteneyert kept fer in ti hel khome mus tsum foerxayn khome.

Priiter, meyer mise imer Hërkot tanke weche aych, weyer Hërkot liipt. Wayl Hërkot hot aych aus kesuucht als ti eyerxte woo keret kewe torich ti macht fom Hayliche Kayst un torich em klaawe woo teyer hat an ti woerheet, fer en folek se sin woo fer Hërkot tetikeyert is.

Tee wërt keeche ales was ti layt atoreere sin un keeche ales was se mëne weyer fon Kot. Eyer wërt sich iwer al xtele un sokaar wërt rin keen un sich setse in Hërkot sayne Thëmpel un fersichere tas eyer Kot is.

Tas unser Hër Yeesus Kristus, un Hërkot, unser Fater, woo uns liipt un woo in sayn kuutheet uns en koraaj kept woo khee ën hot un en xtram hofnung, ayer hërts filt mit muut un macht se xtarek fer se mache un saan ales was kuut is!

Tesweche xikt Hërkot ti macht fom feeler fer in tëne xafe tas se klaawe an was falx is.

Te Xlechte Man wërt aan khome mit te macht fon Satanaas un wërt ale sorte falxe wunere mache un ti mënxe ferplënte temit. Tee tuut hinerkeen mit ale sorte xlechtichkheete tii woo fernicht kewe. Ti kewe fernicht wayl se net ti woerheet woo se rete khënt aan kenom hon un net keliipt hon.

Ti Misterioos Xlechtichkheet is xon am xafe, awer was tsum paseere is, tuut noore paseere wan tee woo tas net paseere lost neewe kelos kept.