Popular Bible Verses from 2Pheeter 2

Share

Tas ales tsaycht tas te Hër wees wii eyer pefraye khan fom noot ti mënxe woo fer iim tetikeyert sin, un tas eyer aach wees ti xlechte unich xtroof uf heepe pis am Taach fom Julkamënt.

Wayl es weyer peser kewees tas se nii te richtiche weech ans khëne khom weere als, noo tee khëne lërne, te tsurik weech mache un wech playwe fom hayliche kepoote woo se kriit hon. Was mit tëne layt paseyert is pewayst tas tii xpriche woer sin: “Te hunt keet tsurik an sayne aychne khots” un “Ti kewex sau keet noch mool in te pratx wënsle.”

Ferxpreche frayheet fer tii layt, awer sii selepst sin sklaawe fon imoraale kewoonheete. Wayl yeete mënx is sklaawe fon tas woo iim tomineyert.

Soo, tii woo unser Hër un Reter Yeesus Kristus khëne kelërnt hon un sin raus khom fon te imoraliteet fon te welt, awer tëm noo noch mool kefang un tomineyert kep sin, am ën playwe in en xlechter situatsioon wii am aanfang.

In te ferkangne tsayt sin falxe mayster tsum foerxayn khom unich em folek, un soo wëre aach falxe mayster tsum foerxayn khome unich aych. Ti wëre toktriine woo fernichte un falx sin unterichte un tuun te Mayster woo se keret hot ap saan. Un tas macht tas en xnele unerkang iwer se khome tuut.