Popular Bible Verses from 2Korintios 4

Share

Wayl meyer khee acht kewe an tings woo meyer siin khan, awer an tings woo mer net siin khan. Also, was mer siin khan halt net lang, awer was net kesiin kewe khan halt fer imer.

Tesweche ferleere meyer nii ti koraaj. Wën ach unser khërwer imer xwecher kept, unser kayst renoweyert sich yeete noye taach. Un tii kleene xwiirichkheete woo meyer yets mit mache mise uns en kroos un eewich kloor pringe, fiil kreeser wii ti xwiirichkheete.

Oft mool sin meyer fol pekhimerunge, awer net ferloer. Als mool sin meyer in tswayfel, awer nii oone hofnung. Meyer hon fiil faynte, awer nii feelt uns en froynt. Manich mool kewe meyer xlim wee kemach, awer kewe net fernicht.

Awer, meyer woo tee kaystliche xats hon, sin wii krunt kruuche tas es klaar playp tas ti heechst macht tsu Hërkot keheyert un net tsu uns.

Tii khëne net klaawe, wayl te kot fon tee welt hot tëne sayne sin in te tunkelheet kelos. Tee lost se net tas licht siin woo iwer se xaynt, tas licht woo fon te kuut naychkheet khomt iwich Kristus sayn kloor, tee woo uns tsaycht wii Hërkot wërklich is.

Te Hërkot woo saat: “Tas fon te tunkelheet es licht xayne sol” is te selwiche woo tas licht xayne kemach hot in unser hërts. Un tas fer tsu uns se pringe es licht fom khëntnis fon Hërkot sayn kloor, woo xaynt in Yeesus Kristus sayn kesicht.