Popular Bible Verses from 1Timoteus 2

Share

Wayl es kept ploos ëne Hërkot un ploos een person woo Hërkot fereenicht mit te mënxe — te mënx Yeesus Kristus, woo sayn leewe kep hot tas ti layt al fray keepte fon sayn sinte. Tas waar te proop, woo an te richtich tsayt kep waar, tas Hërkot wil hon tas ti layt al keret kewe.

Eyerxtens, ferlange ich tas kepeete kemach kewe fer ale layt, mit ferlangunge, aan halunge un tank kepeete. Peet fer ti kheeniche un fer ale anere autoriteete, tas mer mit ketult un friite leewe khëne, mit hiin kepung fer Hërkot un rexpekt fer ti anere.

Ich wil hon tas iweraal ti mëner peete sole, mëner woo sich fer Hërkot hiin kepe; un tas, wën se peete, ti hënt heepe, oone has un oone xtrayt. Ich wiil aach hon tas ti fraae fernineftich sin un aanxtënich un eenfach tsaych aan tuun. Tas se sich xmike, awer net mit komplitsierte hoer khëme, net mit kolt ore phërle xmuk, net mool mit tayre klayter! Tas se sich xmike mit kuute aktsioone, wii mache mise ti fraae woo saan weere fer Hërkot tetikeyert!