Popular Bible Verses from 1Tesalooniker 5

Share

Sayt imer froo, tuut imer peete un sayt imer tankpaar fer Hërkot in ale oportuniteete. Tas is es was Hërkot fon aych hon wil wayl teyer fereenicht sayt mit Yeesus Kristus.

Tas Hërkot, woo uns te friite kept, mache tuut tas teyer komplët tetikeyert sayt tsu iim. Un tas eyer ayre kayst, ayer seel un ayre khërwer fray hale sol fon ale fleke, fer te taach woo unser Hër Yeesus Kristus khome sol. Tee woo aych ruuft is leaal un macht tas.

Past uf tas nimant tas xlechtes mit xlechtes petsaale tuut. Im keeche teel, fersuucht in ale keleechenheete tas kuutes tuun ëne fer te anere un aach fer tii woo khee priiter im klaawe sin.

Also, animeyert un heleft ëne em anere, wii teyer es kemach het pis yets.

Meyer ferlange aych, priiter, tas teyer ti faulënser mit xtramheet aan ruufe tuut, koraaj kept fer ti xichter, ti xwache im klaawe helfe tuut un ketult mit se al.

Hërkot hot uns net aus kesuucht fer tëm sayne wuuts xtroof mit mache, awer fer uns ti retung kewe torich unser Hër Yeesus Kristus

Teyer al sayt fom licht un fom taach. Meyer sin net font te nacht un fon te tunkelheet.