Popular Bible Verses from 1Pheeter 5

Share

Kept ayre kanse soriche fer Hërkot ap, wayl eyer tuut aych uf pase.

Awer, noo ti kleen tsayt in layte, te Hërkot woo en liipe oone limite fer uns hot un woo aych keruuf hot fer teel hale in tëm sayn eewich kloor, wayl teyer fereenciht sayt mit Kristus, tee selwer tuut aych ferpesere, tuut aych xtramheet, kraft un echt sicherhee kewet.

Sayt wachsaam un playpt am wache wayl ayre faynt, te Taywel, keet too rom wii en leep woo krumt, yemant am suuche fer se frese. Playpt xtram im klaawe un khëmft keeche te Taywel. Wayl teyer weest tas uf te kans welt ayre priiter im klaawe ti selwiche layte am mit mache sin.

Also, sayt petrikt unich Hërkot sayn mechtich hant tas eyer aych eere tuut an te richtich tsayt.

Un teyer, yunge, solt ti eltre aan heere. Tas yeete ëne em anere tiine tuut mit temiitichkheet, wayl ti Hayliche Xrifte saan: “Hërkot is keeche ti hoochmuutiche, awer is kuut mit te kuute un tii woo temiitich sin!”