Popular Bible Verses from 1Pheeter 2

Share

Awer, teyer sayt ti aus kesuucht folek, ti priister fom Kheenich, ti natsioon komplët fer Hërkot tetikeyert, tas folek woo tsu iim keheyert. Teyer sayt aus kesuucht kep fer aan saan ti mechtiche akte fon Hërkot, woo aych keruuf hot fon te tunkelheet fer sayn wunerlich licht.

Te aychne Kristus hot unsere sinte mit kenom an sayne khërwer uf em krayts tas meyer fer ti sinte xtërwe teere un en richtich leewe teere leewe. Torich tëm sayn weye sayt teyer kuriert kep. Teyer waart wii xeef woo te weech ferloer hate, awer yets sayt teyer tsurik keprung kep fer te Xeefer noo keen, woo ayer kaystlich leewe uf past.

Tefoer, waart teyer net Hërkot sayn folek, awer yets sayt teyer tëm sayn folek; tefoer, het teyer net tëm sayn paarmhërtsichkheet kekhënt, awer yets het teyer xon tëm sayn paarmhërtsichkheet kriit.

Sayt wii kleene khiner woo kraat uf ti welt khom sin, imer ti phuer kaystlich milich am wole, tas, fon tëm am trinke, teyer wakse khënt un keret kewe.

Liipe froynte, tënkt traan tas teyer auslëner sayt woo ploos torich keen uf tee welt. Ich ferlange, soo, tas teyer tii layte fom flayx woo imer in kriich sin keeche ti seel neewe lose tuut. Teyer mist aych kuut aanxtele unich te pakaane, tas tii, wën se aych aan kewe als pantite, erkhëne mise tas teyer kuute aktsioone macht, un soo Hërkot loope tuut am taach woo eyer khome tuut.

Teyer, aach, als leewente xteen, lost Hërkot aych penutse an te pauung fon en kaystliche thëmpel woo teyer tiine tuut als priister fer Hërkot tetikeyert. Un tas teyer, torich Yeesus Kristus, opfere aan piite tuut woo Hërkot aan nëme tuut.

Also, lost tsurik ales was xlecht is, ale liye, ferxtele, nayt un unkerechtiche kritike.

Khomt ticht pay iim, te leewente xteen woo ti mënxe ap kextoost hon als unnutslich, awer woo Hërkot aus kesuucht hot als kroose weyert.

Leept wii fraye mënxe. Penutst net ti frayheet fer tas xlechtes tsuu teke, awer leept wii tiiner fon Hërkot.

Wayl Hërkot wil hon tas teyer macht was kuut is, tas ti pleete un tume niks se saan hon keeche aych.