Popular Bible Verses from 1Korintios 15

Share

Also, liipe kexwister, playpt xtarek un xtram. Playpt am xafe im Hër sayn aarwat, wayl teyer wist tas ale aanxtrëngung in tee aarwat imer nutsung pringt.

Awer, meyer wole Hërkot petanke, woo uns kewine macht torich unser Hër Yeesus Kristus!

Tuut aych net fertuun: “Ti xlecht kompanii fertërept kuute kewoonheete.”

Awer, torich em Hërkot sayne knaate, sin ich weyer ich sin, un te knaate woo eyer mich kep hot is net oone resultaat keplip. Kraat es keeche teel, ich hon fiil mee kexaft wii ti anere aphostle. Awer, tas sin net ich woo tas am mache sin, un toch em Hërkot sayne knaate is pay mich.

“Woo is, ooh toot, tayne kewine? Woo is, ooh toot, tayn macht fer wee se mache?” Was fer te toot ti macht kept fer wee mache is te sint, un was fer te sint ti macht kept fer wee mache is ti kesets.

Heyert kuut aan tee kehëmnis: meyer tuun net al xtërwe, awer meyer kewe al transformeyert, in en momënt, in en aue plik, wën ti letst trompet xpiile tuut. Tii tuut xpiile, ti toote kewe peleept wii unxtërwliche layt un meyer al kewe transformeyert.

Wayl, soo wii torich eene man te toot khom is, soo aach torich eene man is ti peleepung khom. Soo wii, wayl se fereencicht waare mit Aatam, sin al kextorep, soo aach, wayl se fereenicht sin mit Kristus, tuun se al peleepe.

Wayl tee xtërwliche khërwer mus sich klayte mit was unxtërwlich is; tee khërwer woo xtërwe tuut mus sich klayte mit was net xtërwe tuut.

Wayl Kristus mus rechiire pis Hërkot macht tas eyer ale faynte tomineere tuut. Te letste faynt woo fernicht kept is te toot.