Popular Bible Verses from 1Korintios 12

Share

Tas es nutslich is fer al, kept Hërkot fer yeete ëne en pewaysung fon te presëns fom Hayliche Kayst.

Tan, teyer sayt Kristus sayne khërwer, un yeete ëne is en teel fon tëm khërwer.

Wën een teel fom khërwer layte mit macht, tuun ti anere al ti layte mit mache. Wën een keloopt kep, tuun ti anere al sich fraye mit tëm.

Fer een person kept te Hayliche Kayst en mensaaj fon wisheet un fer aner tuut te selwiche Kayst en mensaaj fon khëntnis kewe. Fer een persoon kept te selwiche Kayst te klaawe un fer aner kept eyer ti macht fer se kureere. Een persoon kriit fom Kayst ti macht fer wunere se mache, un aner kriit te kaape fer em Hërkot sayn mensaaj aan saan. Noch aner persoon kriit ti kapasiteet fer te unerxiit se wise tswixe ti kaape woo fom Kayst khome un tii woo net fon tëm khome. Fer en persoon kept te Kayst ti kapasiteet fer in frëmte xprooche xpeche un fer aner kept eyer ti kapasiteet fer interpreteere was tii xprooche petayte sole.

Awer, is eene un te selwiche Kayst weyer tas ales mache tuut. Tee kept en ferxiitne kaape fer yeete persoon, wii eyer wil.

Un soo is es tas es khee teelung kept am khërwer, awer ale sayn teeler hon te selwiche interese een tsum anere.

Es kept ferxiitne kaystliche kaape, awer is eene eensichste un te selwiche Kayst weyer tii kaape kept. Es kept ferxiitne aarte fer se tiine, awer te Hër woo meyer tiine is te selwiche. Es kept ferxiitne kexike fer ti aarwat fërtich pringe, awer is te selwiche Hërkot weyer fer yeete ëne te kexik kept fer tas se mache.

In te Khërich, hot Hërkot ales uf es richtiche plats ketuun: uf es eyerxte plats, ti aphostle; uf em tswete plats, ti profëte; un uf em trite plats, ti mayster. Klaych tëm noo hot eyer hiin ketuun tii woo ti wunere mache; tëm noo tii woo te kaape hon fer se kureere, ore fer se helfe, ore fer se fiire, ore in frëmte xprooche xpreche.

Wayl te khërwer is net kemach fon een eensichst teel, awer fon fiile.

Tan, kraat im keeche teel, is es tas ti teeler fom khërwer woo xwach aus siin sin ti neetichste

Wën te kanse khërwer au weyer, wii khënte meyer heere? Un, wën te kanse khërwer oer weyer, wii khënte meyer riiche? Soo hot Hërkot yeete anerxter teel fom khërwer hiin ketuun wii eyer wolt. Wën te kanse khërwer ploos een eensichst teel weyer, teet khee khërwer eksisteere.