Popular Bible Verses from الرؤيا 9

Share

وَلكن الناس الّي ما ماتو شي بْهَد المصايب ما تابو شي من الفعايل د اليَدّين ديالوم، وْبقاو كيعبدو الشياطين والأصْنام د الدهب والنقْرة والنحاس والحجار والخشب، الّي ما كيقدرو شي لا يشوفو ولا يسمعو ولا يمشيو. وْما تابو شي من القتل ولا من السحر ولا من الزنا ولا من السرقة ديالوم.

وْخرج من الدُّخّان جراد على الأرض، وْتّعطات لوم القُدرة فحال القُدرة ديال العقارب د الأرض. وْتّقالّوم بلّي ما يضرّو شي العشب د الأرض ولا حتّى شي حاجة خضْرة ولا حتّى شي شجرة، من غير الناس الّي ما عندوم شي الطابع د اللّٰه على جبْهاتوم.

وْنفَخ الملاك الخامس في البوق، وْشفْتْ واحد النجْمة الّي طاحت من السما على الأرض، وْتّعطى لو المفْتاح د بير الهاوية،

وْما اتّعطى لوم شي الإدن باش يقتلوهُم، وَلكن غير باش يعدّبوهُم في مُدّة خمس شهور، والعداب ديالوم كان فحال عداب اللسْعة د العقرب.

والمَلِك ديالوم هُوَ ملاك الهاوية، الّي مسمّي بالعبرانيّة "أَبَدّون" وْباليونانيّة "أبولّيّون."