Popular Bible Verses from الرؤيا 21

Share

غادي يمسح اللّٰه كُل دمْعة من العينين ديالوم، والموت ما غادي شي يبقا، ولا النواح ولا البكا، والوجاع ما بقا شي، حيت الأُمور الُولى فاتت."

وْقال هَداك الّي ݣالس على العرش: "ها انا كنعمل كُل شي جديد." وْقال لي: "كْتب، حيت هَد الكلام صادق وْحقيقي."

وْسمعْتْ واحد الصوت عظيم من العرش كيقول: "ها هي السُّكنى د اللّٰه بين الناس، هُوَ غادي يسكن معهُم وْهُمَ غادي يكونو شعبو. واللّٰه بْنفسو غادي يكون معهُم ويكون الإلَه ديالوم.

وْقال لي: "صافي، تكمّل. أنا هُوَ الألف والياء، البداية والنهاية. أنا غادي نعطي نالعطْشان من العين د الما د الحياة بلا شي.

كُل واحد الّي كيغلب غادي يورت هَد الشي، وْغادي نكون الإلَه ديالو، وْهُوَ غادي يكون اِبني.

وَلكن الخوفانين والّي ما كَيآمنو شي، والمنْݣوسين والقتّالين، والزانيين والسحّارة، وْعُبّاد الأصْنام والكدّابة كاملين، النصيب ديالوم في البحَيرة المشعولة بالنار والكبْريت. هَدي هي الموت التانية."

من بعد شفْتْ سما جديدة وأرض جديدة، حيت السما الُولى والأرض الُولى فاتو، والبحَر ما بقا شي.

وْشفْتْ المدينة المقدّسة، أُورُشَليم الجديدة، نازلة من السما من عند اللّٰه، موجّدة فحال العروسة مزيّنة نالرَّجل ديالاْ.

والمدينة ما كتحْتاج لا نالشمس ولا نالقمر باش يضوّيوها، حيت مجد اللّٰه كيضوّيها والخروف هُوَ اللامْبة ديالاْ. والأُمَم غادي يتمشّاو في الضَّو ديالاْ، وْملوك الأرض غادي يجيبو لاْ المجد ديالوم.