Popular Bible Verses from الرؤيا 19

Share

نفرحو وْننشطو وْنمجّدوه، حيت وصَل العُرس د الخروف، والعروسة ديالو وجّدَتْ راساْ.

وْفي الحوايج والفخد ديالو مكْتوب واحد الِاسم: "مَلِك الملوك وْرَبّ الأرْباب."

من بعد شفْتْ السما مفْتوحة، وْظهَر واحد الخيل بيَط وْهَداك الّي ݣالس عليه مسمّي "الأمين والصادق." كيحكم وْكيحارب بالعدل.

والعينين ديالو فحال اللهْبة د العافية وْعلى راسو بزّاف د التيجان، وْعندو واحد الِاسم مكْتوب الّي ما كَيْعرفوْ حتّى واحد من غيرو هُوَ. وْكان لابس واحد الجلّابة مغمّسة بالدم، وْكيسمّيواه "كلمة اللّٰه."

وْمن دُقمو خارج واحد السيف ماضي باش يضرب بِه الأُمَم. وْهُوَ غادي يرعاهُم بالعصا د الحديد، وْهُوَ بْنفسو غادي يسطم على العنب في المعْصرة د السخط والغضب د اللّٰه القادر على كُل شي.

وَلكن اتّقبط على الوحش وْمعاه النَّبي الكدّاب، الّي كان كيعمل العلامات قدّام الوحش، والّي تلّف بِها هَدوك الّي قبلو الطابع د الوحش وْسجدو نالتمْتال ديالو. ديك الجوج تسيّبو حيّين في البحَيرة الّي مشْعولة بالنار والكبْريت.