Popular Bible Verses from يَعْقوب 3

Share

وَلكن الحكْمة الّي جات من فوق هي قبل كُل شي طاهرة، مسالمة، لطيفة، متفاهمة وْمعمّرة بالرحْمة والغلّات المزْيانة، بلا وَجهيّات وْبلا نفاق.

شكون هُوَ الّي معقّل وْفاهم بيناتكُم؟ يبيّن الأعْمال ديالو بالتصرّف المزيان في اللطف د الحكْمة.

والغلّة د التقْوى كَتْـتزرع في السلام بْهَدوك الّي كَيْعملو السلام.

حيت فاين كتكون الغيرة والمدابزة، تمّاك كتكون الفَوضى وْكُل حاجة قبيحة.

بِه كنباركو في رَبّنا والآب، وْبِه كنلعنو الناس الّي هُمَ مخْلوقين بْصورة اللّٰه. من دقوم واحد، كنباركو وْكنلعنو. آ خوتي، هَد الشي ما خصّوْ شي يكون هَيدا.

واللسان هُوَ عافية، عالم د الإتم. اللّسان موجود في الطراف ديالنا وْكَيْنجّس الجسد كامل وْكيحرق المجْرى د الطبيعة، وْهُوَ مشعول من جهنّم.

وَلكن اللسان ما يقدر حتّى شي إنسان يروّضوْ. هُوَ شرّ الّي ما كيتحدّ شي، معمّر بالسمّ القاتل.

ما يرجعو شي بزّاف منكُم مُعلّمين، آ خوتي، عارفين بلّي حنايَ غادي نتحاكمو كتَر من يَخرين.