Popular Bible Verses from أعمال الرُسُل 1

Share

وَلكن أنتُمَ غَد تقبطو القوّة ملّي ينزل عليكُم الروح القُدُس وْغَد تكونو شهود لِلي في أُورُشَليم وْفي كُل اليَهوديّة والسامِرة وْحتّى نالطرف الاخّر د الدنيا."

وْقالّوم: "ما عندكُم شي الحقّ تعرفو الأزمنة والأوْقات الّي عملوم الآب بالسلْطة ديالو،

وْملّي كان مجمّع معهُم، وصّاهُم ما ي‍مشيو شي من أُورُشَليم، وَلكن يتسنّاو ديك الشي الّي وَعد بِه الآب الّي "سمعْتوه مِنّي، حيت يوحَنّا غطّس بالما، أمّا أنتُمَ غَد تْتغطّسو بالروح القُدُس من دابا شي أيّام قليلة."

وْيَسوع وَرّاهُم نفسو عاود بْبزّاف د الحُجَح الحقيقيّين من بعدما تعدّب وْهُوَ كيظهَر لوم أربعين يوم وْكيتكلّم على مُلك اللّٰه.

وْملّي قال هَد الشي وْهُمَ كيشوفوه، اتّرفع نالعلو حتّى غطّاتوْ واحد السحابة من قدّام العينين ديالوم.

وْملّي كانو هازّين العينين ديالوم في السما وْهُوَ كيبعّد، قرّبو جوج د الرجال وْوَقفو حداهُم بالحوايج بُيَط وْقالو لوم: "آ الرجال الجَليليّين، مالكُم واقفين كتشوفو في السما؟ هَدا يَسوع، الّي اتّرفع قدّامكُم نالسما، غادي يرجَع هَيدا كيفْما شفْتوه طالع نالسما."