Popular Bible Verses from تسالونيكي التانية 2

Share

ما تخلّيو حتّى شي واحد يتلّفكُم حتّى بْشي حاجة، حيت يوم المسيح ما غادي شي يجي غير إدا ما جا من قبل الخروج من الإيمان ويظهَر إنسان الدنوب، ولد الهلاك،

أمّا حنايَ خصْنا دائمًا نشكرو اللّٰه من جهتكُم، آ الخوت العزازين في الرَّبّ، حيت اللّٰه اخْتاركُم من البداية نالنجا بواسطة التقْديس بالروح والإيمان في الحقّ.

الّي كينوض وْكيرفع نفسو ضدّ كُل ما كيتسمّى إلَه أَوْلا الّي كيعبدوه الناس، حتّى يڭلس في المَعْبد د اللّٰه، فحال إدا هُوَ اللّٰه.

وْرَبّنا نفسو، يَسوع المسيح، واللّٰه الآب ديالنا الّي حبّنا وْعْطانا التعْزيّة الأبديّة والرجا الصالح بالنعْمة، غادي يعزّي القلوبة ديالكُم ويتبّتكُم في كُل كلام وْعمل صالح.

وْعلى هَد الشي اللّٰه كيصيفط لوم واحد القوّة د الضلال باش يصدّقو الكدوب،

والظالم غادي يجي بالخدْمة د الشيطان بْكُل نوع من المُعْجزات، العلامات والعجايب د الكدوب، وْبْكُل خديعة المعْصيّة في الّي كيتّهلكو، حيت ما قبلو شي المحبّة د الحقّ باش ينجاو.

حيت السِرّ د الشَّرّ كيخدم دابا بالقوّة ديالو، وَلكن غادي يتحيّد من الوسط هَداك الّي دابا كيحصروْ.