Popular Bible Verses from بُطْرُس التانية 1

Share

بالقُدرة الإلَهيّة ديالو عْطانا اللّٰه كُل شي الّي كنحْتاجو باش نعيشو الحياة والتقْوى، وْعْطانا المعْرفة د هَداك الّي دعانا نالمجد والفضيلة، الّي بِهُم عْطانا اللّٰه الوعود الغالية والعجيبة باش ترجعو مشْتَركين في الطبيعة الإلَهيّة ملّي تهربو من الفساد الّي كاين في الدنيا بالشهوات القبيحة.

على ديك الشي اجْتَهدو باش تزيدو على الإيمان ديالكُم الفضيلة. وْزيدو على الفضيلة ديالكُم المعْرفة، وْعلى المعْرفة التحكُّم في النفس، وْعلى التحكّم في النفس الصبر، وْعلى الصبر التقْوى، وْعلى التقْوى الحنان بين الخوت، وْعلى الحنان بين الخوت المحبّة.

حيت إدا كترَتْ فيكُم هَد الصِّفات المزْيانة، ما غادي شي يخلّيوكُم تكونو فاشلين وْبلا نفع في المعْرفة د رَبّنا يَسوع المسيح.

على ديك الشي، آ الخوت، اجْتَهدو كتَر باش تْتبّتو الدعْوة د اللّٰه واخْتيارو، حيت إدا عملْتو ديك الشي، ما عُمركُم غَد تطيحو.