Popular Bible Verses from كورِنثوس التانية 4

Share

وْحنايَ ما كَنْركّزو شي على الأُمور الّي كَتْـتشاف، وَلكن على هَديك الّي ما كَتْـتشاف شي، حيت الأُمور الّي كَتْـتشاف هي موقّتة، أمّا الّي ما كَتْـتشاف شي هي دايمة.

على ديك الشي ما كَنْفشلو شي، وَلكن واخّا الإنسان الظاهر ديالنا كيبلا، الإنسان الباطن كيتجدّد نهار على نهار. حيت الضيق ديالنا الخفيف والفايت كيخدم نّا واحد المجد عظيم وْدايم الّي هُوَ غالي على العداب ديالنا كامل.

حنايَ مضيّقين في كُل شي، وَلكن ماشي مسْحوقين، حيرانين وَلكن ما قاطعين شي الياس، مضْطَهدين وَلكن ماشي مسيّبين، مطيّحين وَلكن ماشي مهْلوكين.

وَلكن عندنا هَد الكنز في القشوع د الطين باش يكون واضح بلّي هَد القوّة العظيمة ماجّة من عند اللّٰه وْماشي منّا.

والإلَه د هَد الدنيا، يعني الشيطان، غمّط العقل د هَدوك الّي ما كَيآمنو شي باش ما يشوفو شي ضَو الإنجيل المجيد د المسيح، الّي هُوَ صورة اللّٰه.

حيت اللّٰه، الّي آمر باش يشرق الضَّو من الظلام، هُوَ الّي شرق الضَّو ديالو في قلبنا باش نعرفو مجد اللّٰه في الوجَه د يَسوع المسيح.