Popular Bible Verses from بُطْرُس الأولى 2

Share

وَلكن أنْتُمَ دُرّيّة مخْتورة، وْرِجال الدين ملوكيّين، وأُمّة مقدّسة، وْشعب الّي شراه اللّٰه، باش تخبرو بالعجايب د هَداك الّي عَيّط لكُم من الظلام نالنور ديالو العجيب.

الّي هُوَ بْنفسو هزّ الدنوب ديالنا في جسدو على الخشْبة، باش ن‍موتو نالدنوب وْنحياو نالتقْوى، وْبالجروح ديالو حنايَ شفينا. من قبل كُنْتو فحال الغنم المتْلوفة، وَلكن دابا رجعْتو نْعند الراعي الّي كيحضي النفس ديالكُم.

أنتُمَ الّي من قبل ما كُنْتو شي شعب، وَلكن دابا أنتُمَ شعب اللّٰه. وْما توصّلْتو شي بالرحْمة، وَلكن دابا قبلْتوها.

وْفحال أُوْلاد الّي عاد خلقو، تشهّاو الحليب الصافي من الكلام باش تكبرو بِه نالنجا ديالكُم،

آ الخوت العزازين، كنطلبكُم فحال شي أجانب وْبرّانيّين في هَد الدنيا، تبعّدو على الشهاوات الجسديّة الّي كتحارب ضدّ النفس، باش يكون التصرّف ديالكُم مزيان بين الّي ما كَيآمنو شي باللّٰه باش، واخّا كيتَّهموكُم فحال إدا كُنْتو كتعملو الشَّرّ، يمجّدو اللّٰه في النهار فاش غادي يزوروم، ملّي يلاحظو الأعْمال ديالكُم الصالحة.

حتّى أنتُمَ، فحال حجَر حيّ، كيبني اللّٰه بِه واحد الدار روحيّة، باش تكونو رِجال الدين مقدّسين وْتقدّمو دبايح روحيّة مقْبولة عند اللّٰه بيَسوع المسيح.

على ديك الشي حيّدو عليكُم كُل شرّ وْكُل غشّ وْنفاق وْحسد والهدْرة في الناس،

ملّي كتقرّبو نْعندو، الحجْرة الحيّة المرْفوضة من الناس، وَلكن مخْتورة وْكريمة من عند اللّٰه،

تصرّفو فحال الأحْرار، وَلكن ماشي فحال الّي عندوم الحُرّيّة كيستّرو بِها الشَّرّ، وَلكن فحال عبيد اللّٰه.

حيت هَيدا هي إرادة اللّٰه باش تسكّتو بأعْمال الخير الجهل د الناس المكلّخين.