Popular Bible Verses from كورِنثوس الأولى 13

Share

المحبّة هي صابرة وْلطيفة. المحبّة ما كتحسد شي، ما كَتفْتَخر شي وْما كَتْـتكبّر شي. وْما كتقبّح شي، ما كتفتّش شي على المصْلحة ديالاْ. ما كَتْـتقلّق شي بْسهولة، وْما كتعقل شي على الشَّرّ.

كتحمل كُل شي، كَتْـتيّق كُل شي، كَتْـترجّى في كُل شي وْكتصبر على كُل شي.

المحبّة ما كتفرح شي بالقباحة، وَلكن كتفرح بالحقيقة.

أمّا دابا كَتْبقا تلاتة د الأُمور: الإيمان والرجا والمحبّة، وَلكن العظيمة فيهُم هِيَ المحبّة.

المحبّة ما عُمراْ كتفشل. أمّا النبوّات غادي يفوتو، واللسونة غادي يتقاضاو، والعِلم غادي يفوت.

إدا كُنْتْ كَنْتكلّم بْلُغات الناس والملائكة، وْما عندي شي المحبّة، أنا رجعْتْ فحال واحد النحاس كَيْطنْطن أَوْلا واحد الجرس كَيْزنْزن.

وِادا كانت عندي المَوهِبة د النبوّة وْكنعرف الأسْرار كاملة والمعْرفة كُلّاْ، وِادا كان عندي الإيمان الّي كينقّل الجّبولة، وْما عندي شي المحبّة، أنا كيف والو.

وِادا صدّقْتْ كُل شي الّي عندي على الفُقراء، وِادا دفعْتْ الجسم ديالي باش يتّحرق، وْما عندي شي المحبّة، ما غادي نسْتَفد منّو والو.

ملّي كُنْتْ صغير، كُنْتْ كنهدَر فحال شي عايل سْتيتو، كنفكّر فحال شي عايل سْتيتو، وْكنخمّم فحال شي عايل سْتيتو. وَلكن ملّي رجعْتْ رَجل، خلّيتْ الأُمور د الطفولة مورايَ.