Popular Bible Verses from အင် 3

Share

တဲး ဘော နဝ်း ဘော ဖွိုမ် မဲ ညှိုမ် ဘိုင် ဇဝ်ဖြာ။ ကွဲ့ တဲး မဲ ဘိုင် အာငျာန် ဒုဝ် ဘြိမ် မဲ။ ခဲ့ ပီ ဘူင် မဲ ဒွန် မျုဝ်၊ တဲး မဲ တဲး ဇဝ်ဖြာ အိုပ်။ ဆေ မဲ ဘူင် ပါယ် တီ၊ အန် ဇဝ် ဒီ ဘော တဲး မဲ နပ် ပီ ဒီ လုဝ် ဘူင် မဲ။

ကွဲ့ တဲး မဲ နဝ်း တာင် ကူပ် မိုဝ်း မဲ အာငျာန်။ တဲး မဲ ရုဝ်ဆေ ဇဝ်ဖြာ ဘော ဝး အီ တူ မွှိုမ်။

တဲး မဲ ရုဝ်ဆေ ဇဝ်ဖြာ ဘော လှူ ပီ ဆမ် ပီ ပိတ် မဲ၊ လှူ ဘ့လေ ဒင် အီ မွှိုမ် အီ လေး ခဲင် မာန် မဲ။ ဆေ မဲ ဘူင် ပါယ် တီ၊ ငှုဝ် ဒီဂါဝ် ဒီ ဘော နုဝ့် လုတ့် ခဲင် ဘု ခဲင် ဂြွာ မဲ။ ဘော အိုမ် မာငုန် ဒီ ဘော နုဝ့် လုတ့် ခဲင် ပြဲန့် မဲ။

ခဲ့ မိုဝ်း အီ မွှိုမ် အီ မှာန်၊ ကွဲ့ တဲး မဲ ဘ့လေး ဝဲန် ဒေါ မှဝ်။ တဲး မဲ နုဝ် ဆီချာ အီ မွှိုမ် အီ မှာန် တီ၊ တဲး န့ ဒိုက် ဒီ နဝ်း မဲ၊ တဲး န့ ဘော ပီ မဲ ဟွယ် အုန် မာကာဝဲ့ ဒီ မဲင် မဲ။

အိုယ် ဂွန် ကာညူမ် အုဝ်၊ ဆေ ဇဝ်ဖြာ မာနုဝ် မဲ၊ ကွဲ့ ဝဲန် ပီ မာနုဝ် အန်။ ဆေ ဇဝ်ဖြာ ခြဲ မဲ၊ ကွဲ့ တဲး မဲ ပိုဝ်။ ခုဝ်၊ ဇဝ်ဖြာ နပ် ဒီ တဲး ဒမ် ဒီ ဒူအီ ပီ ရွက့် အန်၊ ပီ ဂုန့် နပ် ဒီ မာနုဝ် ဂွန် ပီ အိုင် အန်။

အိုယ် ဂွန် ကာညူမ် အုဝ်၊ ကွဲ့ တဲး မဲ ပိဝ် ဂြုဝ်း ပီ မာနုဝ် အုဝ်။ တဲး မဲ လှုဝ်း ဆေဆေ ပီ စ်ု အုဝ် မဲ ဘူင်။ ဂြုဝ်း အုဝ် တီ ဒီ တဲး အာဆာက် မဲ တူင့်၊ တဲး မဲ ပွိုန် ဘော နာ မွှိုမ် ဒွန် မျုဝ်။

ဆေ ဒူအီ မိုဝ်း အာငျာန် ဘော ကာလှုး ဒီ နဝ်း အန်၊ ဒူအီ တီ ဟဲ့ ဒါခိုယ် ကာဆဝ်။ ခုဝ်၊ အာငျာန် တီ မိုဝ်း အာဂျိုဝ် မွှိုမ် လွှိုမ် ရွိုန် ဂေ ခြိဝ်။ အာငျာန် ဘော ငဝ်း တာင် လွှိုမ် ဆဲန့် ရေန့်။ ခဲ့ ဘော မိုဝ်း ကြုဝ်ကြာမ်၊ အာဝ် မိုဝ်း အီ ပွိုန် ကာဂဝ် ဒီ အာငျာန် တီ။

ဆေ န့ မိုဝ်း ဒူအီ ဂိန်၊ တဲး မဲ စွယ် ခဲ့ ပီ ပွိုန် မဲ စွယ်။

အာငျာန် တီ ဟဲ့ တဲး ဇဝ်ဖြာ ဘူင် ကာဒါယ်။ အီ ကာလှုး ဒီ နဝ်း အန် ဇဝ် ဒွန် မျုဝ် ဟဲ့ တဲး အန် ဘူင် ဘ့လေး ဂါင်ဟြာဝ်။