Popular Bible Verses from က့လိုဝ် 1

Share

မိူင် ယေရူဆာလဲမ် အီ ဟဲ့ ဒွိုမ် မိုဝ်း ဒူအီ ကိူန် ကာဆဝ် ဟဲ့ ဝီ ဘဲန် ဒူင် ယေန် ဒူင် ငွင့် ဒူအီ။ မိူင် တီ ဟဲ့ ဒွိုမ် ဘဲန် ပီ အီဘိုန့် ပီ အိူပ် မျုက် ဒူအီ ဒွန် မျုဝ် ဒွန် ဇိုဝ်။ အန် ဟဲ့ ဝီ ဘဲန် ပီ ယာ ဆီပြး။ မိူင် တီ ဟဲ့ ဒွိုမ် ပီ ဒီဘျာ အီ စှိတ် အီ ကျ လွှိုမ် ဒူအီ ဒွန် မာန် ဒွန် မိူင်။ ဒေါ တီ နီ အန် ဟဲ့ ဝီ ဘဲန် မှာယ် အီ ဟဝ်။

မိူင် တီ ဟဲ့ ပီ ဒီဘျာ အူ ဝီ အီ ဟဲ့ ယာမ် ဒတ် ဒွင် ခိူန်။ အိုမ် ငါယ် အန် မိူဝ် ဟဲ့ ဟွယ် ဒီ ကာလာ အန်။ ခဲ့ ကွယ် ပါဝ် အန်၊ အာဝ် မိုဝ်း ခေါ အူ ဝီ အီ ဝီ တး လှဝ် နဝ်း အန်၊ တဲး နဝ်း အန် ဝီ ဒါခိုယ်၊ ဝီ နှိမ်။ ခဲ့ ကွယ် ဂိုက် အီ ကာလဝ့် အန် ဟဲ့ ကာလုဝ် ဒီ အန်၊ ဝီ ကာဖြူမ် ဒီ ဘဲန် ရန်ဆူ အန်။

အိုယ် မဲ ဇဝ်ဖြာ၊ မှာန့် တဲး မဲ ယွတ် ဒုက် ပဲ့ ဟဲ့ ခမ် အုဝ် နီ။ န့ ဟဲ့ ညှာပ် ကာဆဝ် ဒီ နဝ်း ဒီ ဖွိုမ် အုဝ်။ နဝ်း အုဝ် မိူဝ် ဟဲ့ ကာဟွာ့ ကူပ် မှာပ် ပီ ဘူင် အုဝ် ဟဲ့ ကိူန် ကာဆဝ်။ နာ ရေတ့် ကာင် န့ မိုဝ်း ရန်ဆူ အီ ငဝ်း ယမ် ဒူအီ။ နာ ခဲင် ကာင် မိူဝ်၊ ဟဲ့ မိုဝ်း မီ ဒူအီ ယမ်။