Popular Bible Verses from အာယေရေမီ 3

Share

ဂေ ဒူအီ အီ လဝ့် နဝ်း အုဝ်၊ အုဝ် ဒီ တဲး ဂေ ဝီ ယွတ် မဲန် ဘေ ပီ ဒူအီ အီ ဟျီင် မာဘူ။ ဒူအီ ဂေ တီ၊ ဂေ ဒီ မိုဝ်း အာငျာန် ဘော နပ် ဘဲန် မျုဝ် ဘဲန် မျုဝ်၊ တဲး ဂေ ပွိုန် ဒီ ယဲတ့် ဘေ။

အိုယ် ဘေ အီ တူ မိုဝ်း နဝ်း ဆိူဝ် နဝ်း မှာန်၊ တဲး ဘေ ဝီ ဘျွင် နဝ်း ဘေ။ အုဝ် ဒီ ဘူင် တဲး နဝ်း ဘေ ဝီ ဘဲန် နဝ်း ဆိူဝ် နဝ်း မှာန်။ တဲး ဘေ မိူဝ် ဝီ တဝ်း၊ ‘ယေ ဒီ ဝီ တး ဒူင် ကွယ် မဲ ဇဝ်။ ခုဝ်၊ မဲ ဇဝ် ဘော မုး ဇဝ်ဖြာ ပီ ကြိုပ် ယေ။

ဇဝ်ဖြာ ဝီ ကာလာင် ဒီ အုဝ်၊ တဲး အုဝ် ဟာဝ် ကာလာင် ဂြုဝ်း အန် ဒီ ဂေ ဒူအီ အီ ကွယ် ဘ့လာက် နာ ကွာ။ အန် တဝ်း၊ “အိုယ် ဘေ ဒူအီ အီဆာရေလ အီ တူ မိုဝ်း နဝ်း ဆိူဝ် နဝ်း မှာန်၊ တဲး ဘေ ဝီ တး။ အာဝ် မုး အုဝ် တူ အိုင် ဘေ။ အာဝ် မုး အုဝ် ဒီ ရူ ဒီ ဘေ ဆေဆေ။ ခုဝ်၊ အုဝ် ဟဲ့ မိုဝ်း နဝ်း ရွက့် ကာဝေ။” ဇဝ်ဖြာ ဟဲ့ ကာလာင် ပါယ် တီ။

အန် ဇဝ် ဘော ကာလာင် ဟာဝ် တဝ်း၊ “တဲး ဘေ ဝီ ကာလာင် မှာပ် ပဲ့ ဟဲ့ လုတ့် ဘေ ဒေါ ဟဲ့ ဘူင် ဘေ ကာဘး ဒီ အုဝ် အီ မုး ဇဝ်ဖြာ ပီ ကြိုပ် ဘေ။ ဘေ မိူဝ် ဟဲ့ အိုင် ဒီ ဒူပ် ဇဝ် ပီ ကြိုပ် အီ ဟဝ် ဘော ကြိုပ် ဂေ ခြိုမ် ဟေ တာင်။ တဲး ဘေ ဝီ ကာလာင် ဘော မှာပ် လွင် တူ ထူမ် ဘေ ဂြုဝ်း အုဝ်။” ဇဝ်ဖြာ ဘော တဝ်း၊ “အိုယ် ဘေ ဂွန် အီ ဟဲ့ ဝဲန် အုဝ်၊ တဲး ဘေ ဝီ တး။ ခုဝ်၊ အုဝ် မုး ဒါ ကာညာ အီ အိုပ် ဘေ။ အုဝ် ဒီ ရဝ်း ဘေ အူ မိူင် အူ ဝီ၊ ရဝ်း ခဲင် န့ကြိုဝ်း ဘေ အူ မျုဝ် အာ ဝီ၊ ဝီ တိုယ် ဟာဝ် ဘေ ခဲင် မိူင် ဇီအူန်။