Popular Bible Verses from အာယေရေမီ 25

Share

ဂေ ဟဲ့ တဝ်း၊ ‘တဲး ဘေ ဝဲန် နာ ဟာယ် နာ မိူက် ပီ ဘူင် ဘေ ရာင် အာဆေ ရာင် အန်။ တဲး ဘေ ဒွန် အီ ဝဲန် ပဲ့ ဟဲ့ ဘူင် ဘေ အီ ဟဲ့ ကာလိုပ်၊ အီ တူ မွှိုမ်။ ဆေ ဘေ ဘူင် ပါယ် တီ ဘေ ဒီ ဘော ပွိုန် ဒီ ကွယ် ဆေဆေ ခဲင် မိူင် ပဲ့ ဟဲ့ ဒွါ ဇဝ်ဖြာ ဒီ ဘေ ဘော ဒီ ဂုန့် ဒင် ဘေ ဆိန့် အာတ့် နီ။

ခဲင် မိူင် တီ ဘော မိူင် န့ ဒီ ဘော ဘဲန် တူတ့် အီ ကာပျာတ့် လိုဝ်။ န့ ဒီ ဘော ဘဲန် ဒူင် ယေန် ဒူင် ငွင့် ဒူအီ။ ဒူအီ ဂေ တီ ဘော ဒွန် မျုဝ်၊ ဂေ ဒီ ဘဲန် တူတ့် ပီ ဆုတ့် ပီ စ်ု ခုန်ဒီခမ် ခဲင် မိူင် ဘာဘဲ။ ဂေ လုဝ် ကွယ် ဒီ တီ အာဒါ ဘူ ဂိုဝ် ဆီနမ်။” ဇဝ်ဖြာ ပီ ဝီ တဝ်း၊ ဆေ ဟဲ့ နုဝ့် ဘူ ဂိုဝ် ဆီနမ် တီ၊ အုဝ် ဒီ ဝီ ဒမ် မှာပ် ဒီ ခုန်ဒီခမ် အီ အိုပ် မိူင် ဘာဘဲ ဘော ဒီ ဂေ ဒူအီ အီ ကွယ် ခဲင် မိူင် ပီ အိုပ် အန်။ အုဝ် ဒီ ဘူင် တဲး မိူင် ဂေ ဘဲန် ဒူင် ငွင့် ဒူင် ယေန် ဒူအီ။

ကွဲ့ တဲး ဘေ ဝီ ဘိုင် ဝီ ကြိုပ် ဇဝ် ပီ ကြိုပ် အီ ဟဝ်။ ကွဲ့ တဲး အာရိုပ် ရာင် ပီ ဘူင် ဘေ ဝီ ဘူင် တဲး အုဝ် ရူ စာဝ် ဒီ ဘေ။ ဆေ ဘေ ထူမ် ဂြုဝ်း အုဝ်၊ အုဝ် မိူဝ် တူ ဒမ် မှာပ် ဒီ ဘေ။’”