ဒဲင် တီ မဲ လုဝ် ဝီ ကာလာင် ဒီ ဂေ ဒူအီ ကိူန် တဝ်း၊ “ဇဝ်ဖြာ ဟဲ့ တဝ်း၊ ‘တဲး ဘေ ယွတ်၊ အုဝ် ဟဲ့ တဲး န့ မိုဝ်း န့တေန့် အီ ဒွါ အာဆာက် ဘော န့တေန့် အီ တဲး အီ ယမ်၊ တဲး န့ ကွယ် ဒီ အာတ့် ဘေ။ ဒူအီ အီ ကွယ် ခဲင် မိူင် နီ၊ ဂေ ဒီ ဘော ယမ် ဒီ မာပွါ့ လာင်၊ ယမ် ဘော ဒီ အေတ့် ပီ ဒီ ဟူမ် ဘော ဒီ ဆဝ် ရောဂါ။ ဂေ အီ တဝ် လေး နာ ရေတ့် မိူင် နီ၊ ဝီ ဟာဝ် ဒူင် ကွယ် ဒူအီ ဘာဘဲ အီ ဟဲ့ ဝဲင် ရူပ် ဘေ ဘော ဝီ ဂူမ်၊ ဝီ ဒွင်ဘာန် ဂေ၊ ဂေ ဒီ လွတ် ယမ်။’
