Popular Bible Verses from အာအီဆာယ 65

Share

ဆိန့် အာတ့် ဟွတ့် ဆာခိုဝ် ဂေ၊ အုဝ် ဟဲ့ ဟွတ့် ထူမ် ဂြုဝ်း ဂေ။ ဒေါ ဆီ ကာလာင် ဂေ အုဝ် ဒီ ဘော ဒွါ ပီ မှာန့် ဂေ။

ဟဲ့ ဟွတ့်၊ ဇဝ်ဖြာ ပီ ဝီ တဝ်း၊ “အုဝ် ဟဲ့ ခြာမ် ဒီ ဘူင် ကာဒါယ် အီ ကာမာယ် ဘော ဂါင်ဟြာဝ် အီ ကာမာယ်။ လွင် အီ ဟဲ့ ပွုန် တး နာ ပန် တွိုန်၊ အာဝ် ဟူ မိုဝ်း အီ လှုဝ်း အီ နုဝ် ဒေါ မှဝ်။

ဂါန် ပီ ဘူင် ပီ ရန့် ဂေ၊ န့ ဒီ ဘော ကျ ဘော အွင်။ န့ကြိုဝ်း ဂေ၊ အာဝ် မိုဝ်း အီ ဒုက် အီ ညှာပ် ဒီ နဝ်း ဒေါ မှဝ်။ ခုဝ်၊ အုဝ် ဒီ ဘော မွင့်ကာရာ ဒွါ နာ ဘွတ် နာ မွှိုမ် ဒီ ဂေ ဘော ဒီ လှုက်လှာန် ဂေ။

အာဝ် ဟူ ပီ ခါ အာတ့်၊ ဒေါ ဆမ် ဂေ ကာင် ဂေ၊ ယီ မိုဝ်း အီ ဟဝ် တး ကွယ်။ ဒေါ ဆမ် ဂေ မာန် မာငုန် ဂေ၊ ယီ မိုဝ်း အီ ဟဝ် တး ဟူမ်။ ခုဝ်၊ ဂေ ဒူအီ ပီ အိုပ် အုဝ်၊ ဂေ ဒီ မိုဝ်း အာဆာက် တူင့် ပီ ဟေ။ ဂေ ဒီ ဘော ဘျုဝ် ဒါခိုယ် ကူပ် ဟဲ့ ပွိုန် ဂေ ဒီ ဘိုင် ပဲ့ ဟဲ့ ဘူင် ဂေ၊ ပဲ့ ဟဲ့ လိုမ်လာ ဂေ။

ဂွန် အာင မိူဝ် တူ ယမ် ဒေါ ဆီ အာင အန်။ ဒူအီ ဘောကာဂ့လျီတ် ဒီ ဘော မိုဝ်း အာဆာက် တူင့် ကာဆဝ်။ ဆေ အာဆာက် ဂေ ဟဲ့ နုဝ့် အူ မာယဝ်း ဆီနမ်၊ ဂေ ယီ ပီ ဒူအီ နှိုမ်။ ဆေ အီ ယမ် အာတ့် နုဝ့် အာဆာက် အန် အူ မာယဝ်း ဆီနမ်၊ န့ မုး ဒူအီ ပဲ့ ဟဲ့ ဒိူင် အုဝ်။

ဒေါ အန် တီ၊ မာဆုဝ် ပြဲ ဂါယ် ဂွန် မာဘူ ဒီ ကွယ် ကာဒူပ် ဟူမ် ရိုမ်။ မာခြင်ဆီ ဒီ ဘော ဟူမ် ဟျြီင် ပီ မာမက်။ ခဲ့ ကွယ် အာမျုဝ် မာဟန့်၊ ဂေ ဒီ ဘော ဟူမ် ကာပုး။ န့ မိူဝ် ဟူ မိုဝ်း အာဖေ အာရေ မာဆေ ဒီ နွန် ဇီအူန် အီ မုး ဒူင် ဆီငါ ဘွတ်၊ ဒူင် ကွယ် အုဝ်။” ခဲ့ တီ ပဲ့ ဟဲ့ ကာလာင် ဇဝ်ဖြာ။

အုဝ် မိူဝ် ဒီ မိုဝ်း နဝ်း ခူယ် ဒါခိုယ် ကူပ် မိူင် ယေရူဆာလဲမ် ဘော ကူပ် ဒူအီ အီ ကွယ် ခဲင် မိူင် တီ။ အာဝ် ဟူ မိုဝ်း အီ ယာမ် အီ ဒတ်။