ခုဝ်၊ ဇဝ်ဖြာ အီ တာင် အီ မျာတ်၊ ဇဝ်ဖြာ အီ ဆီငါ ဘွတ် အီ ကွယ် ဆေဆေ၊ အန် တဝ်း၊ “အုဝ် မုး အန် ဇဝ် အီ ကွယ် ဒူင် စာ ဒူင် ဆီငါ ဘွတ်။ အုဝ် ဘော ကွယ် ရိုမ် ဒူပ် ဂေ ဒူအီ အီ မိုဝ်း နဝ်း ဂူမ်၊ နဝ်း တျီမ်။ အုဝ် ဒီ ဘော ဘျွင် နဝ်း ဂေ၊ တဲး ဂေ အီ မိုဝ်း နဝ်း ဂူမ်၊ ဝီ မိုဝ်း နဝ်း တာင်၊ ဘော ဂေ အီ မိုဝ်း နဝ်း တျီမ်၊ တဲး ဂေ ဝီ မိုဝ်း ပီ နှဝ့် န့ဒဝ့်၊ မိုဝ်း ပီ မာင်။
အုဝ် မိူဝ် အာဝ် ဟူ အေး ဂေ ဆေဆေ၊ အာဝ် ဟူ ပီရူ ပီစာဝ် ဒီ ဂေ ဆေဆေ။ ဆေ အုဝ် တူ ဘူင် ပါယ် တီ၊ နဝ်း ဖွိုမ် ဂေ ဒီ ဒီလှး။ ဂေ ဒူအီ ပဲ့ ဟဲ့ ဟပ် အုဝ် နဝ်း ဖွိုမ် အုဝ်၊ ဂေ ဒီ ဘော ယမ်။
