Popular Bible Verses from အာအီဆာယ 11

Share

နဝ်း ဖွိုမ် ဇဝ်ဖြာ ဒီ ဘော တဲး အန် မိုဝ်း အာငျာန် ဘွတ်၊ တဲး အန် နပ် ပီ ပါယ် ဘဲန် မျုဝ် ဘဲန် မျုဝ်၊ မိုဝ်း ဘော အာကျာမ် အာငျာန် ဘော ပ့လူမ် ဂေ ဟဲန့်။ အန် ဒီ ဘော အိုပ် ဂေ ဒူအီ အန် ဘောကာဂ့လျီတ်။ အန် ဒီ ဘော နပ် ဘော ရုဝ်ဆေ ဇဝ်ဖြာ။ အန် ဒီ ဘော ဘျုဝ် ဒါခိုယ် ဒီ ရုဝ်ဆေ ဇဝ်ဖြာ။ အန် တူ ဆုင်ဖျာတ် ဒူပ် ပဲ့ ဟဲ့ ယိုဝ် အန်။ အန် မိူဝ် တူ တဲး ဒမ် ဒူပ် ပီ ထူမ် အန်။

ခြိုဝ် အာယေဆေ ဟဲ့ ပီ ဟေ တာင် ပီ ဂ်ု ဝဲန် အီ။ န့ ယီ ဒီ ဝီ မိုဝ်း ဒူအီ အူ ဝီ အီ ပီ န့လုဝ်း ကာမာယ် အီ ဝီ လေး ဒီ ဒင် ဘြိမ် အန် တီ။ အန် ဘော ပီ ရာ ကာမာယ် အီ လေး ခဲင် ရျီး ဟေ တီ ဒီ ဝီ မိုဝ်း ဘ့လေ။

အန် ဒီ ဆုင်ဖျာတ် ဒါရာ ဒီ ဂေ ဒူအီ ဂိန်၊ တဲး န့ ကာရမ်။ အန် ဘော ဂွင့် ရဲ ဂေ အီ တူ မိုဝ်း ပ့လူမ် ဂေ ဟဲန့် အီ ကွယ် ဒဲင် ကာဒါယ်။ ဂြုဝ်း အီ ဒမ် မှာပ် ဒီ ဂေ ဒူအီ၊ န့ ဒီ ပီ အန် တာ န့ကြွုန် အန်၊ မး ဂေ ဒူအီ ဒဲင် ကာဒါယ်။ ဂေ ဒူအီ ဟာယ် ဒူအီ မိူက် ဒီ ဘော လုဝ် ယမ် ကူပ် အာမိင် ပီ ဒွါ အန်။

အန် ဒီ ဘော မိုဝ်း နဝ်း ဆိူဝ် နဝ်း မှာန် ဆေဆေ ပီ ဒူအီ အီ ဟဲ့ ရိတ် ဆဲ့ ဒီ ညွယ် အန်။ အန် ဒီ ဘော ဘူင် နာ မုး နာ မှာန် ဆေဆေ ပီ ဒူအီ အီ ရိတ် ဆီဘြွတ် ဒီ ညွယ် အန် ဆေဆေ။

ဒီ နွန် ဇီအူန် အီ မုး နွန် ဆီငါ ဘွတ် ဒူင် ကွယ် ဇဝ်ဖြာ၊ အာဝ် ဟူ မိုဝ်း အာဖေ အာရေ၊ အာဝ် မိုဝ်း အီ ဟာယ် အီ မိူက် ဒေါ မှဝ်။ ဒဲင် ကာဒါယ် နီ ဒွန် ပ့လုဝ့် ဂေ ဒူအီ ဘောကာဂ့လျီတ် ဒီ ဘော နပ် လွင် ဇဝ်ဖြာ။ န့ ဒီ ဘော ပီ နမ်မုက်ဆာရာ ဟဲ့ မိုဝ်း မီ အိုမ် ဒွန် နာ ဒွန် ပ့လုဝ့်။

မာဆုဝ် ပြဲ ဂေ မာဘူ ဒီတဲတ် ဒီ ဘော ပွိုန် ဒီ ကွယ် ရိုမ် ကွယ် ဒါခိုယ်။ မာဒီဝါယ် ဂေ ဂွန် မာပဲ ဒီ ဘော ပွိုန် ကွယ် ရိုမ် အိတ် ရိုမ်။ ဘော ဂွန် မက် ဂေ ဂွန် မာခြင်ဆီ ဒီ ဘော ကာဒူပ် ဟြေတ့် ဒီ ဟူမ် ပေတ့်။ ဂေ ဂွန် ဒီတဲတ် ဒီ ဘော ဘဲန် အီ ဟျီင် ဂေ။

ဒေါ အန် တီ ဒူအီ အီ ဒီ ဘုဝ် တး ခဲင် ခြိုဝ် အာယေဆေ၊ အီ ပီ ရာ ကာမာယ် အီ လေး ခဲင် ရျီး ဟေ တွိုန်၊ အန် ဒီ ကွယ် ပီ အာလာမ် ပီ ပွိုန် ယိုဝ် ဒွန် အီ။ ဂေ ဒူအီ ဘဲန် မျုဝ် ဘဲန် မျုဝ် ဒီ ဘော ဟြေတ့် အန်။ ဒူင် ကွယ် အန် ဒီ ဘော မိုဝ်း အာဖုင် ဒင်ခုဝ် တာင်။