Popular Bible Verses from အာအေဆေခေန် 18

Share

အုဝ် တူ ဆီ တဲး ဘေ ယမ် ခေါ အူ ဝီ။ ခုဝ်၊ တဲး ဘေ ဝဲန် အီ တူ မွှိုမ်၊ ကွဲ့ တဲး ဘေ ယမ်၊ တဲး ဘေ ဝီ ပွိုန် ကွယ် ဒါခိုယ်။” ဇဝ်ဖြာ အီ အိုပ် တူတ့် ဒွန် မျုဝ် ဟဲ့ ကာလာင် ပါယ် တီ။

ဒူအီ အီ ဘူင် ကာလိုပ်၊ ဘူင် မှာပ်၊ အန် လုဝ် ခမ် ဒီ ယမ်။ ဂွန် တူ လုဝ် ခမ် မှာပ် ဂုန့်။ ဂုန့် မိူဝ် တူ လုဝ် ခမ် မှာပ် ဂွန်။ ဒူအီ ဘွတ် ဒူအီ မွှိုမ်၊ အန် ဒီ ပွိုန် အာဂျိုဝ် ပီ ဘူင် အန် နာ ဘွတ် နာ မွှိုမ်။ ဒူအီ ဟာယ် ဒူအီ မိူက် အန် လုဝ် ခမ် မှာပ် ပီ ဘူင် အန် အီ ဟာယ် အီ မိူက် တီ။

တဲး ဘေ ဝဲန် ပီ ဘူင် ဘေ အီ ဟာယ် အီ မိူက် ဒွန် မျုဝ်၊ တဲး ဇဝ်ဖြာ ဝီ မ့ပြာယ် နဝ်း ဖွိုမ် ဘေ၊ တဲး န့ ဘဲန် အီ ကာမာယ်။ အိုယ် ဘေ ဒူအီ အာမျုဝ် အီဆာရေလ၊ မှဝ် န့ ပါယ် ပီ ဆီ ယမ် ဘေ ပါယ် တီ။း

ဆေ အုဝ် ယိုဝ် ဒူအီ ဟာယ် ဒူအီ မိူက် ယမ်၊ ဘေ ထာင် နဝ်း အုဝ် ဟဲ့ ဒါခိုယ်။း အာဝ် မုး ပါယ် တီ။ အုဝ် ယီ ဆီ တဲး အန် လှုဝ်း ဘော ဝဲန် မှာပ် အန်၊ ဝီ တဲး အန် ပွိုန် ကွယ် ဒါခိုယ်၊ ကွယ် ဂျာမ်ဆာ။’ ဇဝ်ဖြာ အီ အိုပ် တူတ့် ဒွန် မျုဝ် ဟဲ့ တဝ်း ပါယ် တီ။

မာလဲ၊ ဆေ ဒူအီ ဟာယ် ဒူအီ မိူက် ယီ ဝီ ဝဲန် အီ တူ မွှိုမ်၊ ဝီ ဘူင် ဒူပ် ဒါရာ ဒွန် မျုဝ်၊ ဝီ ဘူင် နာ ဆိူဝ် နာ မှာန်၊ ဘူင် နာ ဘွတ် နာ မွှိုမ်၊ အန် တူ လုဝ် ယမ်၊ အန် ဒီ ဝီ ပွိုန် ကွယ် ဒါခိုယ်၊ ကွယ် ဂျာမ်ဆာ အာခ်ု မှာန်။

ဝီ အီ ဘူင် ပါယ် တီ ဟဲ့ မုး ဒူအီ အီ ထူမ် အီ ဘူင် ဒူပ် ဒါရာ အုဝ်။ အန် ဟဲ့ မုး ဒူအီ အီ မိုဝ်း နဝ်း ဆိူဝ် နဝ်း မှာန်။ အန် ဒီ ဘော ပွိုန် ကွယ် ဆီချာ၊ တူ စှိုမ် အာဆာက် အန်။” ဇဝ်ဖြာ အီ အိုပ် တူတ့် ဒွန် မျုဝ် ဟဲ့ ကာလာင် ပါယ် တီ။