Popular Bible Verses from အဖ 5

Share

ကူပ် မုး ဘေ ဂွန် ပီ ရွက့် ဇဝ်ဖြာ၊ တဲး ဘေ ဘူင် ပီ ပီ ဘူင် ဇဝ်ဖြာ။ ဘေ လုဝ် ရွက့် ဇဝ်ဖြာ၊ တဲး န့ ပီ ဇဝ် ယေဆူ ရွက့် အေ ဒေါ ခမ် အန် ဒီ ယမ် ကာဒါင် အေ။ ဇဝ် ယေဆူ ဟဲ့ ခမ် ဒီ ယမ်၊ တဲး အန် ပီ ဒုဝ် ဆတ်ဒါဝါ ပီ လှူ ဒူအီ၊ တဲး ဇဝ်ဖြာ အိုင် ဘော ဂဝ်း ဝဲန် မှာပ် ဂေ။ ဇဝ် ယေဆူ ဟဲ့ ခမ် ဒီ ယမ်၊ တဲး န့ ပီ ပီ လှူ ဒူအီ၊ တဲး န့ အုး ငှုန် ဒီ အာတ့် ဇဝ်ဖြာ။

ခုဝ် အန် တီ ဘေ ဒွန် အီ လုဝ် ဆာဒိက်၊ ကွဲ့ တဲး ဘေ ဘူင် ပီ ပီ ဘူင် ဂေ ဒူအီ အီ တူ မိုဝ်း အာငျာန်၊ တဲး ဘေ ဘူင် ပီ ပီ ဘူင် ဂေ ဒူအီ အီ မိုဝ်း အာငျာန် ဘွတ်။ တဲး ဘေ ဒီငန့် ဒီ ဘူင် နာ မွှိုမ်၊ ကွဲ့ တဲး ဘေ ဒီလှး။ ခုဝ်၊ အာခြာဝ် နီ တူ မွှိုမ်။

ကွဲ့ တဲး ဘေ ယိုတ့် ပဝ်း။ ဆေ ဘေ ဒျီင် ပဝ်း၊ န့ တဲး ဘေ စှိုမ်။ ဘေ ယီ လုဝ် တဲး နဝ်း ဖွိုမ် ဇဝ်ဖြာ ကွယ် ခဲင် နဝ်း ဘေ၊ တဲး န့ ကော နုဝ့်။ ဘေ လုဝ် တဝ်း မှုဝ် ဒါခိုယ်၊ မှုဝ် အီ အိူပ် ဇဝ်ဖြာ။ ဘေ လုဝ် တဝ်း ပီ မှုဝ် ထမ်။ ပါယ် တီ တဲး ဘေ အိူပ် ဇဝ်ဖြာ ခဲင် နဝ်း ဘေ။ ဘေ ဘော ကာဒုး မာဆေ၊ ဘေ လုဝ် ဒါင် ဂုင် ဂေဇူ ဒီ ဇဝ်ဖြာ ဆေဆေ။ ကူပ် ညှိုမ် အေ ဇဝ် ယေဆူ အေ လုဝ် ဒါင် ဂုင် ဂေဇူ ဒီ ဇဝ်ဖြာ၊ အီ မုး ဂုန့် အေ။

ခုဝ် အန် တီ ကွဲ့ တဲး ဘေ ရိုဝ်၊ တဲး ဘေ မိုဝ်း အာငျာန် ဘွတ်၊ တဲး ဘေ နပ် မာဆေ ပီ အိုင် ဇဝ်ဖြာ။

ဘေ အီမာယ်၊ တဲး ဘေ ရွက့် အီဘိုန့် ဘေ၊ တဲး ဘေ ရွက့် ပီ ဇဝ် ယေဆူ ရွက့် ဂေ ဒူအီ ခဲင် ဖိုင် အန်။ ဇဝ် ယေဆူ ဟဲ့ ခမ် ဒီ ယမ် ကာဒါင် ဂေ။

အာတ့် နီ ဘေ ဟဲ့ ဒွိုမ် ကွယ် ခဲင် အပ် ဝွင့်၊ တူ နပ် မာဆေ လွင် ဇဝ်ဖြာ။ ဒေါ တီ နီ ဘေ ယဲ့ ဟဲ့ ကွယ် ခဲင် ဘ့လာင် ပီ ဒွါ ဇဝ်ဖြာ၊ တဲး ဘေ နပ် ပီ အိုင် ဇဝ်ဖြာ။ ခုဝ်၊ တဲး ဘေ ဘူင် ပီ အိုင် ဇဝ်ဖြာ၊ တဲး န့ ပီ ဘေ ကွယ် ခဲင် ဘ့လာင်။

တဲး ဘေ လာယ် ဂူမ် ကူပ် ရုဝ်ဆေ ဘေ ဇဝ် ယေဆူ။

ဘေ အီဘိုန့်၊ တဲး ဘေ ထူမ် ဂြုဝ်း အီမာယ် ဘေ၊ တဲး န့ ပီ ဘေ ထူမ် ဂြုဝ်း ဇဝ်ဖြာ။

ပီ တဝ်း အုဝ် ယီ ပါယ် နီ။ အီမာယ် ဒွန် အီ လုဝ် ရွက့် အီဘိုန့် အန်၊ တဲး န့ ပီ အန် ရွက့် ဒုဝ် ဘြိမ် အန်။ ဘော အီဘိုန့် လုဝ် ရုဝ်ဆေ အီမာယ် အန်။

ခုဝ် အန် တီ အီမာယ် လုဝ် လေး ခဲင် ကာင် ဂုန့် မာ အန်၊ ဝီ ဟာဝ် ကွယ် ရိုမ် ဒူပ် အီဘိုန့် အန် ဆေဆေ။ ပါယ် တီ ဂါယ် အာ ဝီ ဘဲန် ပီ ဒုဝ် အူ ဘူင့်။

ကွဲ့ တဲး ဘေ ဘူင် နာ တူ မွှိုမ် အီ တူ မိုဝ်း ဒီခုဝ်။ ဇိုဝ် တီ မုး ပီ ဘူင် ဂေ ဒူအီ အီ ကွယ် ခဲင် အပ် ဝွင့်။ ပီ ဘူင် ဒူအီ ခဲင် အပ် ဝွင့် ဘေ ယီ လုဝ် ကာလာင်၊ တဲး အီ နပ် ခဲ့ တူ မွှိုမ် ပီ ဘူင် ဂေ တီ။