Popular Bible Verses from ဟုဝ် ဒါရာ 2

Share

ဇဝ်ဖြာ ဒွါ အာငျာန် ဘော တဲး ဒူအီ နပ် ဘဲန် မျုဝ် ဘဲန် မျုဝ်။ အန် ဘော တဲး ဝီ အီ လဝ့် နဝ်း အန် ပွိုန် ဒီ ကွယ် ဘျုဝ် ဒါခိုယ်။ ဝီ အီ မိုဝ်း မှာပ်၊ အန် ဇဝ် ဘော စ်ု တဲး အန် ဘူင် ဂါန် အီ ဒုက် အီ ညှာပ် ကာဆဝ်၊ တဲး အန် မိုဝ်း ဒီ ဂဲပ် ကာဇု အုန်၊ တဲး အန် ဝီ ပွိုန် ဒီ ဒွါ ဒီ ဒူအီ အီ လဝ့် နဝ်း ဇဝ်ဖြာ။ လွင် အန် တီ မိူဝ် ဟဲ့ ဒီလူယ် ဒီလာယ်။ န့ ဘော ပီ အီ ဆီ ပါ ခုန်။

ဆေ ဒူအီ ဟဲ့ မိုဝ်း ပီ ဒီ ဟူမ် ပီ ဒီ ဒျီင် ဘော ဟဲ့ ဒါခိုယ် ဒီ ဘူင် ဂါန် အန်၊ န့ ဟဲ့ တိူက် ခဲ့ တီ၊ အာဝ် ဟူ ပွိုန် လွှိုမ် ဒဲင် တီ။ လွင် အန် တီ အုဝ် ဟဲ့ နပ်၊ န့ ဘော မုး ပီ ဒွါ ဇဝ်ဖြာ၊ တဲး အေ ဒူအီ ဘူင်။ ဆေ အန် ဇဝ် တူ ခ့ဝါင်၊ အာဝ် မိုဝ်း အာဆေ အီ ပွိုန် ဟူမ် အီ ပွိုန် ဘျုဝ် ဒါခိုယ်။

ပါယ် တီ ဒေါ ဝီ ကာဒွါ့ ကာဖာ အုဝ် ခဲ့ ပဲ့ ဟဲ့ ဘူင် အုဝ်၊ ဘော လွင် ဟဲ့ ဂျုဝ်ဂျာ အုဝ် ဒီ ဘူင် တာ ပ့လူမ် တာ ဟဲန့် အုဝ်၊ အုဝ် ဘော ဝီ နပ်၊ ဇိုဝ် တီ ဘော ဒွန် မျုဝ် ဟဲ့ ဒီလူယ် ဒီလာယ်။ န့ ဘော ပီ ဒူအီ အီ ဆီ ပါ ခုန်၊ အာဝ် မိုဝ်း ဒီခုဝ် မာဆေ။

ခဲ့ ပီ ဆီ ပွိုန် အုဝ်၊ အုဝ် ဟဲ့ ဘူင် တဲး အုဝ် ပွိုန် တူတ့် ဒွန် မျုဝ်။ ခဲ့ ပီ ဆီ တဲး အုဝ် န့ ဘျုဝ် န့ ကျဝ် ဒီ နဝ်း အုဝ်၊ အုဝ် မိူဝ် တူ ခြဲ တူ ယိူန် ခေါ အူ မျုဝ်။ အုဝ် မိူဝ် ခူယ် လွင် ပဲ့ ဟဲ့ ဂျုဝ်ဂျာ အုဝ် ဒီ ဘူင် ဒွန် မျုဝ်။ နဝ်း ခူယ် ပီ လုဝ် အုဝ် ဘူင် ဂါန် ကိူန် တီ၊ ယီ တူ ဘဲန် အာဂျိုဝ် ဒီ အုဝ်။

ဒေါ အန် တီ အုဝ် ဘော ဝီ နပ်၊ အာငျာန် ဟဲ့ မွှိုမ် လွှိုမ် နာ ရိုဝ် နာ တူ လွှက့်။ န့ ဘော ပီ ဘ့လာင် ဟဲ့ မွှိုမ် လွှိုမ် အပ် ဝွင့်။

ဒူအီ အီ မိုဝ်း အာငျာန်၊ အန် ဘော မိုဝ်း ငါယ် အီ တဲး အန် ပွိုန် ယိုဝ်။ ဒူအီ ရိုဝ် ယီ နပ် ဒီ ဟာဝ် ခဲင် အပ် ဝွင့်။ ပါယ် တီ အုဝ် ဝီ ယိုဝ် အာဖေ အာရေ အီ ဘုဝ် ဘဲန် ဒီ ဂါယ် ဟဲ့ မုး အူ မျုဝ်။

ခုဝ်၊ ဆေ န့ မိုဝ်း ဒူအီ အီ မိုဝ်း အာငျာန် ဘော ဟဲ့ ကျ ဒီ ဘူင် ဘဲန် မျုဝ် ဘဲန် မျုဝ်၊ အန် ယီ တူ ပွိုန် ဒီ ဘိုင်။ ဒူအီ ဟဝ် အီ တူ ဒွိုမ် ဘူင် မာဆေ၊ အန် ဒီ ဝီ ပွိုန် တူတ့် ဒွန် မျုဝ်။ ဘော လွင် အန် တီ ဟဲ့ ဒီလူယ် ဒီလာယ်၊ န့ တူ မွှိုမ်။