ပွုန် အန် ကြဲ ဒီ တာင်။ မာလဲ၊ န့ တူ မုး ကူပ် ပွုန် ဒုဝ် ဘြိမ် အန်။ အန် ဘူင် ကာပျာတ့် ဘဲန် မျုဝ် ဘဲန် မျုဝ် အီ ကိူန် ကာဆဝ်။ ပီ ဒီ ဘူင် အန် ဒွန် မျုဝ်၊ န့ ဒီ အွင်။ အန် ဒီ ဒွါ ဒုက် ဘော ပျာတ့် ဝဲန် ဂေ အီ မိုဝ်း ဟဲန့် အီ မိုဝ်း အာဖုင် ဒင်ခုဝ် တာင် ဘော ဂေ ဒူအီ ပီ အိုပ် ဇဝ်ဖြာ။ ကူပ် ဟဲ့ လွှက့် ကာဆဝ် အန်၊ အန် ဒီ ဘော မိုဝ်း နဝ်း ပီခိုက် ကာဆဝ်။ ဒေါ တူ ဆာဒိက် အီ ဟဝ်၊ အန် ဒီ ဘော ဘူင် တဲး ဂေ စှိုမ်။ အန် ဘော ယ ဘူင် ကာဘး ဒီ အန် ဇဝ် အီ မုး ခုန်ဒီခမ် အီ အိုပ် ခုန်ဒီခမ် ဘောကာဂ့လျီတ်။ အန် ပီ ဘော ပါယ် တီ မိူဝ်၊ အာဆာက် အန် ဒီ ဘော လိုဝ် စှိုမ်၊ ယီ တူ မုး ဒူအီ အီ ဘူင်။