မဲ ဝီ ဘူင် ကာဘး ဒီ ဇဝ်ဖြာ အီ အိုပ် ဂါင်ဟြာဝ်၊ ဝီ စ်ု အီ ဒိုဝ်း ကွက့် အီ ဟဲ့ ဒွိုမ် ကွယ် ခဲင် ဟုဝ် ဇဝ်ဖြာ၊ တဲး ဂေ တး ဒူင် ကွယ် မဲ။ ခဲ့ ကွယ် ဂေ အာမူ အာမာတ် မဲ ဘော နာင် ဟောခမ် မဲ ဘော ဂေ အီဘိုန့် တျီ့ မဲ၊ မဲ တဲး ဂေ ဝီ ဒိုဝ်း ကွက့် တီ၊ ဝီ ဒျီင် အိုမ် မာငုန် နာ ခဲင်။ ဟဲ့ ဟွတ့်၊ ဘေ ဘော ဝီ အိူပ် မျုက် ဇဝ် ပီ ကြိုပ် ဘေ အီ မုး ရွိုန် ဂေ ခြိဝ်၊ ဘွင့် ဒေန့် ဂေ ဟိန်၊ ဟေ ဂေ မာဝ် အီ တူ နပ် ဒီ ဘူင် မာဆေ၊ တူ ယိုဝ် မာဆေ။ မဲ ယီ တူ ဝီ အိူပ် မျုက် ဇဝ်ဖြာ အီ ဘ်ု အာဆာက် မဲ၊ အီ တဲး မဲ မိုဝ်း ဖွိုမ် ဘော အိုပ် ပီ ဘူင် မဲ။