ဂါယ် တဝ်း၊ “အိုယ် ဘေ ဒူအီ ကိူန်၊ မှဝ် န့ ပါယ် ပီ ဘူင် ဘေ ဇိုဝ် တီ။း ယာယ် မုး ဒူအီ ပီ ဘေ။ ယာယ် တူ မုး ဇဝ်ဖြာ။ ယာယ် ယီ ဟဲ့ ခဲ ဒီ ဘေ လွင် ဇဝ်ဖြာ အီ ချွတ် ဘေ။ ယာယ် မှာန့်၊ တဲး ဘေ ဝဲန် အာရိုပ် ပီ ကြိုပ် ဘေ နီ။ ဂေ တူ မိုဝ်း ပွုန် မာဆေ။ တဲး ဘေ ဝီ ကြိုပ် ဇဝ်ဖြာ အာခါခ်ု၊ အီ မိုဝ်း အာဆာက်၊ အီ ဘူင် ဘ့လေး ဘော ဂါင်ဟြာဝ် ဘော ကာဒါယ်၊ ဘော အိုမ် နမ်မုက်ဆာရာ။ ခဲ့ ကွယ် ဒဲင် ကာဒါယ်၊ ခဲ့ ကွယ် ခဲင် အိုမ်၊ ဇဝ်ဖြာ တီ ဟဲ့ ဘူင် တူတ့် ဒွန် မျုဝ်။