ဂေ အီ ဒီ လာယ် ကာခဲန့်၊ ဂေ ဘော နပ် ဒီ ခါနှာပ် ဒုဝ် ဘြိမ် ဂေ။ ဂေ ဘော ဖိုက် ပ့လူမ် ဖိုက် ဟဲန့် ဂေ ဒွန် မျုဝ်၊ တဲး ဂေ ပွိုန် လက်ဆွင် အီ မုး မင်ဂိုမ်။ ဒူအီ ယီ ဘူင် မင်ဂိုမ် တီ၊ တာ လှာ ဟေ အီ စှိတ် အူ ကာစန်။ ဟဲ့ ဟွတ့်၊ န့ ဝီ ဟျီ့ ကာဟဝ်း လိုဝ် တူတ့်။ အီ မုး ယေ၊ ယေ ဘော ဂျုဝ်ဂျာ ဒီ ဘူင်၊ တဲး ယေ ပွိုန် မင်ဂိုမ် အီ ကွယ် ဆေဆေ၊ အီ တူ နပ် ဒီ လိုဝ်၊ တူ နပ် ဒီ စှိုမ်။ ကူပ် န့ ပါယ် တီ၊ အုဝ် တူ ပီ ဒူအီ အီ ကာဘ့လဲပ် ဒီလူယ် ဒီလာယ်၊ တူ မိုဝ်း ပီ ခြာမ်။ အုဝ် တူ ကာလိုမ် ဝတ် ခဲင် ဒီဝူင့် ဒီဝပ်။