ပါယ် တီ၊ ဒေါ ဟဲ့ ဟွတ့် ဂေ ဟူမ်၊ အန် ဇဝ် ဝီ ဒိုဝ်း ဆီလယ့် အိုမ် မာငုန် တဝ်း၊ “ဆီလယ့် နီ၊ န့ ဘျ ကာဒိက် ဆတ်ဇာ ကာမာယ် ပီ ဒွါ ဇဝ်ဖြာ ဒီ ဘေ ကူပ် လေး နှာမ် အုဝ် ဒီ ဒုဝ် အုဝ်။ ဒွန် ဇေန့် ဒေါ ဒျီင် ဘေ အိုမ် ခဲင် ဆီလယ့် နီ၊ တဲး ဘေ လှုဝ်း ပဲ့ ဟဲ့ ဘူင် အုဝ် ဒါင် ဘေ။” ခုဝ်၊ အုဝ် တဝ်း၊ ဒွန် ဇေန့် ဒေါ ဟူမ် ဘေ ခါမုန် ဘော ဒျီင် အိုမ် ခဲင် ဆီလယ့် နီ၊ ဘေ ဒီ ဘော တဲး အီ ဟဝ် နပ် လွင် ဇဝ် ယေဆူ ဟဲ့ ခမ် ဒီ ယမ် ကာဒါင် အေ။ ဘေ လုဝ် ဘူင် ပါယ် တီ၊ တဲး န့ ကော ဇမ် ပန် ဒီ ဝီ တး အန် ဇဝ်။