Popular Bible Verses from Roma 12

Share

E usoso mea mearovaeka sa leita mai feare levi leitia; a—, e haiiri toarōrisa mai áre leitia. Lōfeare e Ualare sa haikaeaita mai la seseōvi ore leiti vei, lareva kofa, aea maeatita, aea haura kofa ita mai.

Paumarehari e, ipi Ualare ve maeaforoe rauapo vei ara ero la kureaipea, e eve maea la makuri leita safu maso etau aea Ualare sa maeatita meru feare ovi, Ualare la omopa posaseaia, eve iri karu sa maso toaita mai kofa reha.

E Ualare voa taita haiiri ita lea vei hailareva leitia; haisora soasoa voa haiiri kere leitia; e Ualare la loki taupi leitia.

Kaiae aro levi ovi aieraia, a—, a kaiae la lareva sa ovi aieraia.

E elore elore usoso paumarehari feare haikakare lei vovo roroava; aea karu haria ve fari la lei moravai haikaeaia.

Eve haikakare okofa ita leitia. Maealolo la kaifa leitia, lareva la mai kere paeaia.

A ore leitit’ oria, a karu foromai ita tairu ita pepeava.

Haikakare e, ero kaiae leita lea ve tava la miarai vei hai levi kaeaia; ipi o mō uka sisea, Kaiae ve tava miaraita arave etau reha; lea tava ara miarai roi. Papuvita o lō auai.

Tivi maea tivutivu ita levi leitia, a—, eve iri arahoha voa haihahari lei, Papuvita ve tivi lōri leitia.

Araro miarōpe lea meru vei, ara eve karu formai la o la moi, e maeamarōva lei, elore maea haiarori levi leitia; a—, haisukafori kaeaia, usoso Ualare sa ero lei sukaerereaita lōfeare.

Karu sa leita maealolo vei, a tava maealolo levi miaraia. Karu foromai ve omopa voa leita mai lareva la haikaea peava.

E foromai voa haiiri farakeka leitia. Haiarori levi leitia; tivi merava la haiiri kakeva ita leitia; maeamarōva levi leitia.

A—, ave ote karu eroa sarita, a—, larietau arero miaraia; are kōvōre‐tolo leitita, ma arero miaraia; lōri mai leitita, a—, a akoela a ita feare areve harofave voa toeai roi.

Ero haisora leiti vei aitetaita lea karu la o sa lei lareva leitia; karu la o lareva ae peava, aea o maealolo levi aria. Hailareva leita lea karu ita fareho hailareva leitia; fi arita lea karu ita fi aria.

Eve maeapavora karu ekalesia voa ere sa haikaeaita etau voa toaraia. Oti haria karu la maeafukapaia.

Ipi maea farakeka voa toepi siseita etau rauapo ia, a—, lea etau foromai tivi usoso leiti sore. Ereita ta lōfeare; ereita rauapo, a—, Keriso voa maea farakeka lei, ereita foromai elore elore ve maea voa toepi siseita etau feare lei roroaitore.