ထာဝရဘုရားစာ ကိုယ့်မာ မဟာဘုန်းတန်ခိုးကို အသုံးပြုရို့ နင်ရို့ စိတ်နှလုံးမာ ဝိညာဉ်၏ တန်ခိုးကို ပီးပတ်စီအတွက် အရာ နင်ရို့ ထိုတန်ခိုးန ပြည့်စုံပတ်စီအတွက် ငါ ဆုတောင်းနီရေ။ အရာ နင်ရို့ ကျုံခြင်းတရားကနီရို့ နင်ရို့ စိတ်နှလုံးမာ ခရစ်တော် အပြည့်အစုံ ကျိန်းဝပ်ဖို့အတွက် အရာ နင်ရို့ ရီအနက်မာ ငုတ်စာပိုင် ခရစ်တော်၏ ချစ်ခြင်းမေတ္တာအထဲတို့ ငုတ်ဝင်ရို့ နင်ရို့မာ ဘဝကို တတိုင်းမမြိုင်း တည်ဆောက်နိုင်ဖို့အတွက် ငါ ဆုတောင်းနီရေ။ အရာ ခရစ်တော်၏ ချစ်ခြင်းမေတ္တာစာ ကမ်းမဟိ-ယမ်းမဟိ၊ အတိုင်းအထွာမဟိ အရာ အဆုံးအတုံးမဟိဆိုစာကို ထာဝရဘုရား၏ ဟိသမျ လူရို့နအတူ နင်ရို့မာ နားလည်နိုင်ဖို့စာ တန်ခိုး ဟိဖို့အတွက် ငါ ဆုတောင်းနီရေ။ ခရစ်တော်၏ ချစ်ခြင်းမေတ္တာကို လူတစ်ယောက်ညာဏ်န မသိနိုင်၊ ယေကေလည်း နင်ရို့စာ ထိုချစ်ခြင်းမေတ္တာကို အတွိအကြုံ ဟိကတ်ပတ်စီအတွက် ငါ ဆုတောင်းနီရေ။ ယင်းပိုင်ဆိုကေ ထာဝရဘုရားက လာစာ ပြည့်စုံစာ ဘဝန နင်ရို့ ပြည့်စုံကတ်လိမည်။
