Popular Bible Verses from Rṳ̂̌me̤ 9

Share

Pô̤̌nudě pa lǎ̤nǎla̤ǐ tûû̌ pa kòyòhǎkhû̌phû̌ a ta̤sǎyṳ, mè̤̌tô̤̌dě, ata̤ jî̌pwǐ̤jî̌le tokhlǒ numî̌ anǐ̤ tô̤̌. Ta̤lǒ̤bò dǒ pa lǎ̤nǎla̤ǐ numî̌ tǒ̤pwǎ Cǒmara a ta̤sǎyṳ gwèbǎǐ pwǎ.

Ma̤titèhî̌dě, tôplǎkha a hî̌ Khûmṳ̂shě kû̌, “He gǔ gwèbǎǐ kòyò tôpwa̤pwa̤ dǒ jû̌꤮ he sǎphlǒ lǎ̤gwèbǎǐ lû̌û nutôpwa̤ pě. He ma̤jè̌kwe kòyò tôpwa̤pwa̤ dǒ jû̌꤮tûû̌ he sǎphlǒ sǎyṳ ma̤jè̌kwe nutôpwa̤ pě.”

Bǎbǎkǎlè he gǔ hî̌ na kû̌, na mî̌ kòyò hǎkhû̌phû̌ pwǎ. Na̤ lǎ̤lṳ̂hî̌ pi̤jî̌ geshěshǔ Cǒmara pô̤̌nutô̤̌. Gopo̤hǎ tômènu, kè̌ a hî̌ geshěshǔ pwa̤bô̌ lû̌û nutôpwa̤ kû̌, “Na cû̌bô̌ he pô̤̌o ma̤titè?” A hî̌ geshěshu pô̤̌o numî̌ anǐ̤ tô̤̌.

Ma̤pô̤̌nudě Cǒmara gwèbǎǐ kòyò jû̌꤮ tûû̌ a sǎyṳgwèbǎǐnu, a ma̤ ikǒpwǐ̤ kòyò dǒ jû̌ a sǎyṳ ma̤pwǐ̤ǐ kòyò nutokhlǒ pwǎ.

Hǎpèè̌ tôbô̌nu, a ô̌ dǒ pwa̤bô̌gopo̤hǎ nutôpwa̤ a cǔdekû pwǎ, a gǔ bô̌gopo̤ jû̌꤮ a sǎyṳ bô̌nu mî̌ anǐ̤ pwǎ. Hǎpèè̌ tôbô̌ akûnu, a gǔ bô̌gopo̤ dǒ kòyò noǎ khô̌tû̌ a pwèbǎ akha nubǎbǎ, mè̤̌tô̤̌dě a gǔ bô̌gopo̤ dǒ kòyò gǔ noǎ a lṳmṳ̌shî̌ lṳmṳ̌hǎ aya nubǎbǎ, a bô̌ jû̌꤮ tûû̌ asǎphlǒ sǎyṳ bô̌ numî̌ anǐ̤ pwǎ.