Popular Bible Verses from Htû̌sò̌htò̌ 91

Share

He hî̌ Cǒmara tûjû̌pwa̤ kû̌, “Na mî̌ he lǎ̤ô̌tûdû dǒ aměgle, he wî̤̌we̤dû̌ dǒ atònò. “Na mî̌ he Cǒmara dǒ he yṳ̌ǎnǎla̤ǐ.”

Kòyò hèô̌ bǎ Cǒmara dǒ adû̌ahtûlǒ alǎ̤ô̌tûdû měgle akûsî tokhlǒ, asî glè̌ hèô̌kǔbǎ Cǒmara dǒ apô̤phǎshû̌sho nutôpwa̤ ata̤takabǐ alǎ̤ pě.

“Bǎ na kwisǎyṳhtò̌ he akhanu, he gǔ ganǎ̤de. “Bǎ na tṳ̌bǎ kû̌ ta̤pò̤̌ta̤sha akhanu, he gǔ ô̌cu kû̌ na. “He gǔ ma̤hǎplǎkè na, he gǔ bè̌htò̌yô̤̌ ǐ na.

Na cû̌ bǎtètè̌ bǎbǎ, Cǒmara no kè̌khwè̌ tugǔtakaǐ na kû̌ atanamǒkhû̌phû̌.

A hǔbǐ na kû̌ adî̌gî, Na ô̌tûdû bǎ ahǒlǎ̤. Ata̤cǒ kû̌ yô̤̌nu asô̌sô̌kû̌ na ta̤taka, lǎ̤takabǐǐ na.

Na no htû Cǒmara tûjû̌pwa̤, Cǒmara dǒ adû̌ahtûlǒ kû̌ na lǎ̤ô̌ dǒ aměgle, lǎ̤takabǐǐ na gûlǎ̤ akhû̌akhî, Ta̤phû̌mò̤̌shǐhtô hèbǎ nô̌ na tôcǒ꤮ tô̤̌. Ta̤shasiwě̤ hèphǔ dǒ na hǐphòkòshǐ tôcǒ꤮ tô̤̌tô̤̌.

Cǒmara glè̌ ma̤hǎplǎ na dǒ kòyò dòhǔ yṳglǒ nutokhlǒ acǔdekû, ta̤shasiwě̤ tokhlǒ acǔde kûkû.

Kòyò lò̤khǔpo̤si dǒ na cǔcôcî̌ tôkhô apwa̤ tôrǐ bǎbǎ, kòyò lò̤khǔpo̤si dǒ na cǔcômṳ̂ tôkhô apwa̤ tôsò̌ bǎbǎ, a hèbǎ nô̌ na tô̤̌.

Ta̤gònò̤̌gèglè ǐsha hè bǎ lṳmṳ̌khǐkha nubǎbǎ, plǎ̤ dǒ kòyò khǎ a bǎ lṳmṳ̌sha nubǎbǎ, na lǎ̤sǎǐsha ô̌ nô̌ tôcǒ꤮ tô̤̌. Ta̤shasiwě̤ hè dǒ ta̤khǐkla nubǎbǎ, khînǎkhîno dǒ a ma̤si kòyò bǎ lṳmṳ̌sha nubǎbǎ, na lǎ̤ǐsha ô̌ nô̌ tôcǒ꤮ tô̤̌.